قازاقستاندا زاڭسىز اڭ اۋلاپ، اعاش كەسكەندەردىڭ دۇنيە- مۇلكىن تاركىلەمەك
بۇل جايىندا ق ر ءى ءى م مەملەكەتتىك ءتىل جانە اقپارات دەپارتامەنتىنىڭ ديرەكتورى الماس سادۋبايەۆ فەيسبۋكتەگى ءوزىنىڭ پاراقشاسىندا جازدى، دەپ حابارلايدى قازاقپارات.
«جىلدىڭ باسىنان بەرى تابيعاتتى قورعاۋ زاڭناماسىن بۇزۋدىڭ شامامەن 3 مىڭ دەرەگى انىقتالىپ، 400 قىلمىستىق قۇقىق بۇزۋشىلىق تىركەلدى. شامامەن 2 مىڭ قۇقىق بۇزۋشى اكىمشىلىك جاۋاپكەرشىلىككە تارتىلدى. اقبوكەنگە براكونەرلىكتىڭ 6 فاكتى بويىنشا 10 ادام ۇستالدى»، - دەپ جازدى ول.
ونىڭ اتاپ وتۋىنشە، ىشكى ىستەر مينيسترلىگى تابيعات زاڭناماسىن بۇزعانى ءۇشىن جاۋاپكەرشىلىكتى قاتاڭداتۋ ماقساتىندا قىلمىستىق جانە اكىمشىلىك كودەكستەرگە وزگەرىستەر مەن تولىقتىرۋلار ەنگىزۋگە باستاماشىلىق جاساعان.
«اتاپ ايتقاندا، زاڭسىز اڭشىلىق جاسالعان قارۋلار ءتىزىمىن كەڭەيتۋ ۇسىنىلادى. زاڭسىز اڭ اۋلاۋ، سيرەك كەزدەسەتىن اڭداردى ۇستاۋ، اعاشتاردى كەسۋ جانە جويعانى ءۇشىن مۇلكىن تاركىلەۋ جازاسىن قاراستىرۋ»، - دەدى الماس سادۋبايەۆ.
اۆتور: مارلان جيەمباي
