ەۋروپا كەڭەسىنىڭ وكىلدەرى قازاقستانداعى ساياسي رەفورماعا جوعارى باعا بەردى
كونسۋلتاتسيالار باعدارلاماسى ومبۋدسمەننىڭ حاتشىلىقتىڭ سىرتقى بايلانىستار، سوت تورەلىگى جانە قۇقىقتىق ىنتىماقتاستىق جونىندەگى قۇرىلىمدىق بولىمشەلەرىنىڭ، سونداي-اق ادام قۇقىقتارى جونىندەگى كوميسسار باسقارماسىنىڭ، ەۋروپالىق سوت تىركەۋ ورنىنىڭ جانە ۆەنەتسيا كوميسسياسىنىڭ باسشىلارىمەن ءبىرقاتار كەزدەسۋلەرىن قامتيدى، دەپ حابارلايدى قازاقستان رەسپۋبليكاسىنداعى ادام قۇقىقتارى جونىندەگى ۋاكىلدىڭ باسپا ءسوز قىزمەتى.
كەلىسسوزدەر بارىسىندا ەۋروپالىق وداق پەن ەۋروپا كەڭەسىنىڭ قازاقستاننىڭ سوت تورەلىگى جۇيەسىن جەتىلدىرۋگە كومەك كورسەتۋ جونىندە بىرلەسكەن باعدارلاماسىن جۇزەگە اسىرۋ بارىسى تالقىلاندى.
كونسۋلتاتسيالارعا قاتىسۋشىلار جوعارىدا كورسەتىلگەن باعدارلاما شەڭبەرىندەگى ىنتىماقتاستىقتىڭ تيىمدىلىگى تۋرالى ورتاق پىكىر ءبىلدىردى.
ا. شاكىروۆ ارىپتەستەرىنە قازاقستان رەسپۋبليكاسىنىڭ نەگىزگى زاڭىنا ەنگىزىلگەن ومبۋدسمەننىڭ جاڭا كونستيتۋتسيالىق مارتەبەسىنە جانە الداعى ۋاقىتتا قازاقستان رەسپۋبليكاسى پارلامەنتىنىڭ سەناتىمەن ونى سايلاۋ تارتىبىنە بايلانىستى وزگەرىستەر تۋرالى تولىقتاي حاباردار ەتتى. ەۋروپا كەڭەسىنىڭ وكىلدەرى قازاقستاندا بولىپ جاتقان وزگەرىستەرگە جوعارى باعا بەردى.
