قازاقستان مەن قىتاي شىعىس قازاقستان ارقىلى ترانزيتتىك تەمىر جول سالۋ مۇمكىندىگىن قاراستىرۋدا

وسكەمەن. قازاقپارات - ش ق و اكىمى دانيال احمەتوۆ ق ح ر ش ۇ ا و- دە «قاراماي-تاچەن-اياگوز» ترانزيتتىك تەمىر جولىن سالۋ ماسەلەلەرى بويىنشا قىتاي تاراپىمەن كەلىسسوز جۇرگىزدى.

قازاقستان مەن قىتاي ش ق و ارقىلى ترانزيتتىك تەمىر جول قاتىناسىن سالۋ مۇمكىندىگىن قاراستىرۋدا.

كەزدەسۋ قورىتىندىسى بويىنشا تاراپتار «باقىت-اياگوز» تەمىر جولى جوباسىن الدىن الا زەرتتەۋ تۋرالى مەموراندۋمعا قول قويدى، ول حالىقارالىق ماگيسترالدىڭ بولىگى بولادى، دەپ حابارلادى اكىمنىڭ باسپا ءسوز قىزمەتىنە سىلتەمە جاساپ «قازاقپارات» ح ا ا ءتىلشىسى.

دانيال احمەتوۆ پەن «قازاقستان تەمىر جولى» ۇ ك» ا ق ۆيتسە-پرەزيدەنتى سانجار ەلۋبايەۆ جۇمىس ساپارىمەن ق ح ر- دىڭ شاۋەشەك قالاسىنا باردى.

وندا ش ۇ ا و پارتيا كوميتەتىنىڭ تۇراقتى مۇشەسى ش ۇ ا و تارباعاتاي وكرۋگىنىڭ پارتيالىق كوميتەتىنىڭ باس حاتشىسى ەركىنجان تۇراحۇنمەن «قاراماي-تاچەن-اياگوز» ترانزيتتىك تەمىر جولىن سالۋ ماسەلەلەرى بويىنشا كەزدەسۋ وتكىزدى.

جوبانىڭ وڭىرلىك-گەوگرافيالىق ارتىقشىلىعى بار جانە دامۋ ءۇشىن الەۋەتى جوعارى. حالىقارالىق ماگيسترال قىتاي، قازاقستان، رەسەي جانە ەۋروپا ەلدەرىنىڭ سولتۇستىك-شىعىسىن بىرىكتىرەدى. ماگيسترالعا قوسىلۋ ءۇشىن قازاقستاندىق تاراپقا ۇزىندىعى 270 شاقىرىم «باقىت-اياگوز» تەمىر جولىن سالۋ قاجەت.

«بۇل جوبانى ىسكە اسىرۋ جاڭا پەرسپەكتيۆالار اشادى. بۇل قىتايدىڭ باتىس بولىگىنەن قازاقستانعا، رەسەيگە، ەۋروپا ەلدەرىنە جۇك، جولاۋشىلار اعىنىنىڭ جول ۋاقىتىن ەداۋىر قىسقارتۋعا مۇمكىندىك بەرەدى»، - دەپ اتاپ ءوتتى د. احمەتوۆ.

قىتاي تاراپىنىڭ بولجامى بويىنشا جوسپاردى ىسكە اسىرعان جاعدايدا، 2020-جىلى جۇك اعىنى كولەمى 1,85 ميلليون توننانى، 2030-جىلى 3 ميلليوننان استام توننانى قۇرايتىن بولادى.