قىتاي ەشكىمگە شابۋىل جاسامادى، جاسامايدى دا - ەلشى حانحۋەي
دەپ حابارلايدى قازاقپارات ءتىلشىسى.
«ارينە، ءبىز «قىرعي- قاباق سوعىستىڭ» مەنتاليتەتىنەن ارىلدىق. دەگەمەن، تاريحتى ۇمىتپاۋ قاجەت. قازىرگى كەزدە بازبىرەۋلەر سان الۋان اقپاراتتار تاراتىپ، «قىتايلىق قاتەر» جايىندا ءجيى ايتادى. ءبىزدىڭ كىمگە جانە قالاي شابۋىل جاسايتىنىمىزدى بۇگە- شۇگەسىنە دەيىن اڭگىمەلەيدى. الايدا قىتاي ەشكىمگە شابۋىل جاساعان جوق، جاسامايدى دا»، - دەپ اتاپ كورسەتتى حانحۋەي مىرزا.
ەلشىنىڭ ايتۋىنشا، بۇگىندە قىتاي حالىق رەسپۋبليكاسى اقپاراتتىق تەحنولوگيالار، ءوندىرىس، عارىش جانە تاعى باسقا سالالار بويىنشا وق بويى وزىق شىعىپ، «قىتايدا جاسالعان» ەمەس، «قىتايدا دۇنيەگە كەلگەن» دەگەن دەڭگەيگە جەتتى. سول سەبەپتى امەريكا سياقتى دەرجاۆالار قيپاقتاي باستادى.
«كەزىندە ونداعان الەمدىك دەرجاۆا قىتايعا شابۋىل جاساپ، بەيجىڭگە دەيىن جەتكەندە ەشكىم ەشتەڭە ايتپادى. ال قىتايلىقتار اياققا تۇرىپ، ءوزىن- ءوزى قورعاي الاتىن دارەجەگە جەتكەن كەزدە «قىتايلىق قاتەر» تۋرالى ايتا باستادى. ول دۇرىس ەمەس. قىتاي حالقى بىرەۋگە كۇش قولدانىپ، ءوز ىقپالىن جۇرگىزۋدى كوزدەپ وتىرعان جوق. ءبىز ءوزارا ارىپتەستىك نەگىزىندە جۇمىس جاساۋدى قالايمىز»، - دەپ اتاپ كورسەتتى ەلشى.
ايتا كەتەيىك، بۇگىنگى باسپا ءسوز ءماسليحاتىندا جاڭ حانحۋەي قىتايدىڭ قازىرگى الەۋمەتتىك- ەكونوميكالىق جاعدايى تۋرالى ايتىپ بەردى.
اۆتور: ارمان اسقاروۆ
