ەكسپو كەزىندە قىتايلىقتارعا جاتىن ورىن جەتىسپەۋى مۇمكىن - ەلشى حانحۋەي

  استانا. قازاقپارات - قىتاي حالىق رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى جاڭ حانحۋەي استاناداعى ەكسپو كەزىندە قىتايلىقتارعا جاتىن ورىنداردىڭ جەتەتىنىنە كۇدىكتەنىپ وتىر،

 دەپ حابارلايدى قازاقپارات ءتىلشىسى.

 «ءدال قازىر استاناداعى ەكسپو- عا كەلەتىن قىتايلىقتاردىڭ ناقتى سانىن ايتا المايمىن. دەگەنمەن، ءبىز وزىمىزدەگى تۋريستىك اگەنتتىكتەردى وسى جۇمىسقا جۇمىلدىرىپ، ءوزارا بايلانىس ورناتىپ الدىق. ول - ءبىر. ەكىنشىدەن، قىتايلىق تۋريستەر پسيحولوگيالىق جاعىنان قازاقستانعا كەلۋگە ءازىر. بىلايشا ايتقاندا، ولار قازاقستانعا بارۋدى اسىعا كۇتىپ وتىر، كورشى ءارى دوس بولىپ وتىرعان مەملەكەتكە كەلۋگە نيەتتى.

ۇشىنشىدەن، ەكسپو- دا ءبىزدىڭ دەلەگاتسيامىز ەڭ ۇلكەن توپپەن كەلەدى. سەبەبى كورمە اياسىندا قىتايلىقتار ءبىراز شارالاردى وتكىزەدى. ۇكىمەت وكىلدەرى، جەرگىلىكتى بيلىك مۇشەلەرى، بيزنەسمەندەر - ءبار- ءبارى كەلەدى»، - دەيدى حانحۋەي.

 ونىڭ ايتۋىنشا، قازىرگى كەزدە ەكسپو- عا بارامىن دەيتىن قىتايلىقتار كەلىپ، تىركەۋ راسىمدەرى، تاماق پەن جاتىن ورىندارى جايىندا ءجيى سۇرايدى. «مەن «وتەل جاعىنان قيىن بولاتىن سياقتى، سەبەبى كورمەگە ءبىراز دەلەگاتسيالار كەلەيىن دەپ جاتىر» دەپ ايتامىن»، - دەدى ەلشى.

 ايتا كەتەيىك، بۇگىنگى باسپا ءسوز ءماسليحاتىندا چجان حانحۋەي قىتايدىڭ قازىرگى الەۋمەتتىك- ەكونوميكالىق جاعدايى تۋرالى ايتىپ بەردى. ونىڭ سوزىنە قاراعاندا، قىتايدا جىل سايىن 13,1 ميلليون جاڭا جۇمىس ورىنى اشىلىپ تۇرادى.

 اۆتور: ارمان اسقاروۆ