11:37, 24 - ناۋرىز 2017 | GMT +5
ا ق ش عالىمدارى تۇستەردى اجىراتۋعا مۇمكىندىك بەرەتىن كوزىلدىرىك ويلاپ تاپتى
استانا. قازاقپارات - ا ق ش عالىمدارى ادامعا كوپ رەڭك پەن ءتۇستى كورۋىنە مۇمكىندىك بەرەتىن ارنايى كوزىلدىرىك ويلاپ تاپتى.
بۇل تۋرالى زەرتتەۋ ەسەبى كورنەلل ۋنيۆەرسيتەتىنىڭ كىتاپحانا سايتىندا جاريالاندى، دەپ جازادى حابار 24.
ادامداردىڭ تۇستەردى كورۋىنە قىسقا، ورتاشا جانە ۇزىن سپەكتردىڭ وپتيكالىق بولىگىن اجىراتۋعا 3 فوتو رەتسەپتور جاۋاپ بەرەدى جانە كوز الدىنداعى بەينە كوك، جاسىل جانە قىزىل سياقتى نەگىزگى تۇستەردى قيسىنداستىرۋ ارقىلى پايدا بولادى. بۇنداي كورۋ قابىلەتى تريحروماتيكالىق دەپ اتالادى.
عالىمداردىڭ ايتۋىنشا، ۇسىنىلعان قۇرىلعى ادام كوزى كورەتىن سپەكتر بولىگىن كوبەيۋگە مۇمكىندىك بەرەدى ەكەن. ول اسكەري ىستە كامۋفلياج كيگەن قارسىلاستاردى تەز تابۋعا، ساۋداعى جالعان كۋپيۋرالاردى اجىراتۋعا زور ۇلەسىن قوسپاق.
