سوندەرس: گولوۆكيندى كوگالا قويداي سابايمىن جانە ول ءۇشىن ءبىر تيىن دا قاجەت ەمەس
«كەلىسسوزدەر بويىنشا مەنىڭ مەنەدجمەنتىم جەتكىزگەن شارتتارمەن مەن تولىق كەلىسەمىن. مەن بۇل جەكپە- جەككە اقشا ءۇشىن ەمەس، سىناق ءۇشىن كەلىسىم بەردىم. وسى جەكپە- جەكتە ۇتقان ءار پەننيدى اكەمە بەرمەكپىن. وزىمە ءبىر تيىن دا قاجەت ەمەس» ، - دەدى سوندەرس.
سونداي - اق ول الەم الدىندا جالعىز عانا جەڭىمپاز بارىن دالەلدەۋ ءۇشىن گولوۆكيننىڭ تەرريتورياسى ەڭ ىڭعايلى ورىن ەكەنىن العا تارتتى.
«مەن الەم الدىنا شىعىپ، ولاردىڭ قالاي قاتەلەسەتىنىن ءارى ءوزىمنىڭ كۇش- قۋاتىمدى كورسەتكىم كەلەدى. جانە ول ءۇشىن ەڭ ىڭعايلى جەر گولوۆكيننىڭ تەرريتورياسى. بۇل مەنىڭ قايراتىمدى ودان بەتەر قايراي تۇسەدى. كەشە ونىڭ دجەيكوبسپەن اراداعى جەكپە- جەگىن كوردىم. گولوۆكيندى بابىنان شىعارىپ، جەڭىسكە جەتە الامىن دەپ ويلايمىن. GGG ءدى جەڭۋ ءۇشىن نە ىستەۋ كەرەكتىگىن بىلەمىن. سوندىقتان دا جەكپە- جەكتى تاماشالاۋ ءۇشىن تۇرعان جوقپىن» ، - دەدى بريتاندىق بوكسشى.
ونىڭ ايتۋىنشا، گولوۆكينداي بوكسشىنى تىزە بۇكتىرۋ ءۇشىن قۇر قول سەرمەۋ جەتكىلىكسىز، اقىل- ايلا كەرەك.
«ول كۇنى بۇگىنگە دەيىن رينگتە مەن سياقتى شەبەرمەن جولىعىپ كورگەن جوق» دەگەن سوندەرس قالاۋلى قارسىلاسى گەناعا ارنايى حابارلاما جولدادى.
«بارلىق بەلبەۋدى جەڭىپ الام دەگەن بوس اڭگىمەڭدى جالعاستىرا بەر. ءبىراق قازىر ىسكە كوشەتىن نەمەسە اۋىز جاباتىن ۋاقىت جەتتى. سەن ماۋسىم ايىندا مەنىمەن جەكپە- جەككە شىق نەمەسە شىقپا. سەن ءوز سوزىڭدە مەنىڭ ەسىمىمدى اتاپ قالدىڭ، الداعى جەكپە- جەككە كەلىسىپ، ساعان سونداي مۇمكىندىك بەرەيىن. قۇر بوسقا ۋاقىت جوعالتپاي، ىسكە كوشەيىك» ، - دەگەن سوندەرستىڭ حابارلاماسىن تاراتتى ESPN.
ەستەرىڭىزگە سالىپ وتسەك، 18 -ناۋرىزدا (استانا ۋاقىتى بويىنشا 19 ناۋرىزدا) نيۋ- يوركتە گولوۆكين مەن امەريكالىق دجەيكوبستىڭ اراسىندا 12 راۋندتىق جەكپە- جەك ءوتتى. تورەشىلەر شەشىمىمەن وتانداسىمىز جەڭىسكە جەتتى. ايتا كەتسەك، قازاقستاندىق بوكسشى كارەراسىندا العاش رەت 12 راۋندتىق جەكپە- جەك وتكىزىپ وتىر.
Baq.kz
