ا ق ش بىرىككەن ۇلتتار ۇيىمىنداعى شىعىندارىن ەكى ەسەگە قىسقارتپاقشى

استانا. قازاقپارات - ا ق ش مەملەكەتتىك دەپارتامەنتىنە بىرىككەن ۇلتتار ۇيىمى باعدارلاماسىنىڭ بيۋدجەتىنە تولەنەتىن ۆاشينگتوننىڭ جارناسىن ەكى ەسەگە قىسقارتۋدى تالاپ ەتۋ تۋرالى نۇسقاۋ بەرىلگەن.

بۇل تۋرالى ۆاشينگتوننىڭ سىرتقى ساياسات ماسەلەلەرىنە مامانداندىرىلعان Foreign Policy جۋرنالى دۇيسەنبى كۇنى مەنشىكتى «ءۇش دەرەككوزىنە» سىلتەمە جاساپ حابارلادى.

 باسىلىم انىقتاعانداي، قازىرگى تاڭدا «ا ق ش ب ۇ ۇ- عا جىل سايىن 10 ميلليارد دوللار قارجى بولەدى»، دەپ حابارلايدى ت ا س س.

 جۋرنال دونالد ترامپ رەسپۋبليكالىق اكىمشىلىگىنىڭ بۇل ارەكەتىن حالىقارالىق وپەراتسيالاردان، ناقتىراق ايتقاندا بالالاردى ەكپەمەن قامتاماسىز ەتۋدان، سانكسيالانباعان يادرولىق قارۋعا قاتىستى باعدارلامالاردى باقىلاۋدان، سيريادان يەمەنگە دەيىن ءتۇرلى جەرلەردەگى بەيبىت كەلىسسوزدەردى جۇرگىزەتىن حالىقارالىق وپەراتسيالاردان باس تارتتى دەپ باعالاۋدا. ماقالا اۆتورى بەيسەنبى كۇنى ۆاشينگتوندا مەملەكەتتىك دەپارتامەنت، ا ق ش- تىڭ حالىقارالىق دامۋ اگەنتتىگى مەن باسقا دا شەتەلدىك كومەك كورسەتۋ باعدارلامالارىن، سونىڭ ىشىندە ب ۇ ۇ- نى قارجىلاندىرۋعا كەتەتىن شىعىندارىن 37 پايىزعا دەيىن قىسقارتۋعا باعىتتالعان ا ق ش- تىڭ جاڭا فەدەرالدىق بيۋدجەتى جوباسىنىڭ تانىستىرىلۋى ءتيىس ەكەندىگىن ەسكە سالدى.