جاپون ۇلتىنىڭ بالاعا بەرەتىن تاربيەسى

استانا. قازاقپارات - الەمنىڭ كوپتەگەن ەلى جاپون ۇلتىنىڭ مادەنيەتتىلىگىنە، مول ەڭبەكتەنەتىنىنە ءتانتى ەكەندىگىن ءجيى ايتادى. "تاربيە -  تال بەسىكتەن باستالادى" دەگەندەي، مۇنداي دارەجەگە جەتۋ ءۇشىن اتالعان ەلدىڭ دە از ەڭبەك جاساماعانى بەلگىلى.

 ەڭ الدىمەن بالالاردىڭ كىشكەنتاي كەزىنەن باستاپ ەرجەتكەنگە دەيىنگى مەزەتىن جاقسىلاپ نازاردا ۇستاۋ كەرەكتىگىن جاقسى بىلگەن دانا حالىق بۇگىندە بارلىق جاعىنان وزدەرىن كۇللى الەمگە دالەلدەپ بەردى. سونىمەن ۆۋندەركيند بۇلدىرشىندەر مەن ناعىز مادەنيەتتى سابيلەردىڭ قانداي تاربيە الاتىنىن تىزىمدەپ كورسەك. ەرتە كەزدە جاپوندىقتاردىڭ بالالارىنا قاتتى كوڭىل اۋدارۋىنا ۋاقىت بولماعان. قيىنشىلىقتى كوپ كورگەن جۇرتشىلىق سابيلەرىن ارقالاپ جۇمىسىن دا، بالا تاربيەسىن دە بىرگە جاساعان. وسىعان قاراماستان جاپون ايەلدەرى سابيلەرىمەن سويلەسىپ، ولارعا جاساعان جۇمىستارىن ايتىپ وتىرعان.

تۋعانىنان كاسىپتىڭ ورتاسىندا جۇرگەن بۇلدىرشىندەر العاش انالارىنىڭ جۇمىسىندا سويلەپ، ءتاي- ءتاي باسقان. بۇل ءۇردىس تالاي ۋاقىت وتسە دە ءالى كۇنگە دەيىن ءوز قۇندىلىعىن جوعالتپاعان. بالالار دۇكەندەرىندە انالارعا ارنالعان ىڭعايلى كيىمدەر، سابيلەردى ارقاعا اسۋعا ارنالعان دۇنيەلەر ساتىلادى. قازىرگى قارىشتاپ دامىعان جاپونيا ەلىندە بالالاردى تەك انالارى عانا ەمەس، اكەلەرى دە نازارلارىنان تىس قالدىرمايدى. سونىمەن قاتار بۇل ەلدە اتا- انالاردىڭ بۇلدىرشىندەرمەن سويلەسۋدەن باس تارتۋىنا بولمايتىنى دا ساقتالعان. ولار قاتتى سويلەمەۋ، ۇلكەندەرگە داۋىس كوتەرمەۋ، ادامدارمەن جىلى امانداسۋ سىندى قاعيدالاردى باستى نازاردا ۇستايدى. سونداي- اق وزدەرىنىڭ جاعىمسىز ارەكەتتەرىن سوزبەن ەمەس، ارنايى قيمىلمەن كورسەتۋگە تىرىسادى. جاپوننىڭ قاباعى جايدان- جاي تۇيىلمەيدى. جاپون ەلىنىڭ ازاماتتارى بالا كەزىنەن مادەنيەتتى ميلارىنا جاقسى ءسىڭىرىپ، اتا- انانىڭ بەرگەن تاربيەسىمەن ۇلكەندەردى قاتتى قۇرمەتتەيدى. ءوزىنىڭ ەموتسياسىن سىرتقا كورسەتپەۋگە تىرىساتىن جاندار كوپشىلىك ورتادا كوپ جىلاي بەرمەيدى.

Massaget.kz