موڭعوليا پرەزيدەنتى قازاق وتباسىمەن ناۋرىز مەرەكەسىن اتاپ ءوتتى - فوتو

 استانا. قازاقپارات - موڭعوليا پرەزيدەنتى ساحياگين ەلبەگدورج اقساقال، عالىم وقىتۋشى قىلىش اقسولتاننىڭ ۇيىندە مەرەكەلىك كۇندى قارسى الدى، دەپ حابارلادى ARD.

 قىلىش اقسولتان موڭعوليادا 53 جىلدان بەرى جۇمىس ىستەپ كەلەدى. ونىڭ 40 جىلىندا موڭعول مەملەكەتتىك ۋنيۆەرسيتەتىنىڭ ەكونوميكا فاكۋلتەتىنىڭ عىلىمي قىزمەتكەرى، وقىتۋشىسى رەتىندە ەڭبەك ەتتى. سوڭعى 13 جىلدا ول «موڭعول» ج و و- دا وقىتۋشى بولىپ جۇمىس ىستەيدى.

قىلىش اقسولتان جۇبايى اياتولحانمەن، ءتورت بالاسى جانە 6 نەمەرەسىمەن تۇرىپ جاتىر.

 موڭعوليا پرەزيدەنتى ءۇي يەسى مەن موڭعوليالىق قازاقتاردى جىل باسى - ناۋرىزبەن قۇتتىقتادى.

«كوكتەم مەرەكەسىندە اي مەن كۇن تەڭەلەدى، كوكتەم وزىمەن بىرگە جاقسىلىق الا كەلەدى»، - دەدى ەلبەگدورج اقساقالمەن اڭگىمەلەسۋ بارىسىندا.