نازاربايەۆ پەن ميرزيەيەۆ استانانىڭ كورنەكتى ورىندارىن ارالادى - فوتو
دەپ حابارلايدى اقوردانىڭ باسپا ءسوز قىزمەتى.
قازاقستان پرەزيدەنتى مەن ەلىمىزگە مەملەكەتتىك ساپارمەن كەلگەن وزبەكستان پرەزيدەنتى «استانا وپەرا» مەملەكەتتىك وپەرا جانە بالەت تەاترىندا بولىپ، «قىز جىبەك» وپەراسىنىڭ دايىندىعىن كوردى.
نازاربايەۆ ۋنيۆەرسيتەتىندە بولعان ەكى ەلدىڭ پرەزيدەنتتەرى ءبىلىم ورداسىنىڭ دامۋ جوسپارىمەن، ونەركاسىپتى اۆتوماتتاندىرۋ زەرتحاناسىمەن، وقۋ ورنىنىڭ زەرتتەۋشىلىك جوبالارىمەن جانە فيزيكا- ماتەماتيكا زەرتحاناسىمەن تانىستى. ش. ميرزيەيەۆ ۋنيۆەرسيتەتتىڭ قۇرمەتتى قوناقتار كىتابىنا قولتاڭبا قالدىردى.
سودان كەيىن نۇرسۇلتان نازاربايەۆ پەن شاۆكات ميرزيييەۆ رەسمي اشىلعان «MEGA Silk Way» ساۋدا جانە ويىن- ساۋىق ورتالىعىنىڭ ساۋدا- كورمە پاۆيلوندارىن ارالاپ كوردى. سونداي- اق ەكى ەل پرەزيدەنتتەرى «Cirque du Solei» ارتىستەرىنىڭ مونتە- كارلوداعى حالىقارالىق فەستيۆالىنىڭ جەڭىمپازدارى قويعان شاعىن تەاترلىق كورىنىس پەن اكروباتيكالىق شوۋدى تاماشالادى.
مەملەكەتتەر باسشىلارى قالانىڭ كورنەكتى ورىندارىن ارالاپ كورگەن سوڭ «استانا ەكسپو-2017» كورمە كەشەنى قۇرىلىسىنىڭ بارىسىمەن جانە ونىڭ ماكەتىمەن تانىستى.
