08:06, 24 - ناۋرىز 2017 | GMT +5
سولتۇستىك كورەيا تاياۋ كۇندەرى يادرولىق سىناق وتكىزۋگە دايىن
استانا. قازاقپارات - ك ح د ر تاياۋ كۇندەرى بولاتىن جاڭا يادرولىق سىناقتان وتكىزۋدىڭ سوڭعى كەزەڭىندە، دەپ حابارلايدى ر ي ا نوۆوستي. «سىناق وسى ايدىڭ اياعىندا وتكىزىلۋى مۇمكىن»، - دەپ حابارلايدى Fox News اتالمىش وڭىردەگى سوڭعى جاڭالىقتاردان حاباردار امەريكالىق شەنەۋنىككە سىلتەمە جاساپ.
ا ق ش- تىڭ قورعانىس مينيسترلىگى وكىلدەرىنىڭ دالەلدەرى بويىنشا، ك ح د ر پۋنگەري يادرولىق پوليگونىندا جاڭا توننەلدەردىڭ قۇرىلىسىن اياقتاعان، الايدا قۇرىلعىنى بەلگىلەنگەن ورىنعا ازىرگە جەتكىزبەگەن، دەپ حابارلايدى شەنەۋنىك.
پحەنيان 2006 -جىلدان بەرى بەس يادرولىق سىناق وتكىزىپ، زىمىران ۇشىرعان. سونداي- اق، سولتۇستىك كورەيا باسشىلىعى حالىقارالىق قوعامداستىقتار مەن ب ۇ ۇ قاۋىپسىزدىك كەڭەسىنىڭ يادرولىق جانە زىمىران سىناقتارىن وتكىزۋدى توقتاتۋدان باس تارتقان. ولار وڭتۇستىك كورەيادا 28 مىڭ اسكەري قىزمەتشىلەرىنىڭ بار ەكەندىگىن العا تارتىپ، مەرزىمدى تۇردە ستراتەگيالىق قارۋلاردى دايىندىققا شىعارىپ، ك ح د ر- مەن بەيبىت كەلىسسوزدەر جۇرگىزۋدەن باس تارتقان.
