بەيجىڭدە «قازاقپارات» ح ا ا مەن شاڭحاي ىنتىماقتاستىق ۇيىمى ىنتىماقتاستىق جونىندەگى كەلىسىمشارتقا قول قويدى
دەپ حابارلايدى قازاقپاراتتىڭ قىتايداعى مەنشىكتى ءتىلشىسى.
قۇجاتقا «قازاقپارات» ح ا ا باس ديرەكتورىنىڭ ورىنباسارى جاسۇلان تويبولدين مەن شاڭحاي ىنتىماقتاستىق ۇيىمىنىڭ باس حاتشىسىنىڭ ورىنباسارى ۆان كايۆەن قول قويدى.
ش ى ۇ باس حاتشىسى راشيد اليموۆ ءبىر جىل بۇرىن، 2016 -جىلى 11 - ناۋرىزدا ءىرى حالىقارالىق اقپارات اگەنتتىكتەرى - شينحۋا پرەزيدەنتى ساي مينچجاو مەن ت ا س س باس ديرەكتورى سەرگەي ميحايلوۆتىڭ ش ى ۇ شتاب- پاتەرىندە بولعاندىعىن ەسكە سالىپ ءوتتى. سول كۇنى ش ى ۇ ىنتىماقتاستىعىمەن ىنتىماقتاستىق جونىندەگى كەلىسىمشارتقا قول قويىلدى. سونداي- اق جىل سايىن شاڭحاي ىنتىماقتاستىق ۇيىمىنىڭ دوستارى - جۋرناليستەر كۇنىن وتكىزۋ جايلى شەشىم قابىلدادى.
«مەن بۇگىن تاعى دا وسى زالدا باس قوسىپ، وسى كۇندى اتاپ وتىرعانىمىزعا قۋانىشتىمىن. ونىڭ ۇستىنە ش ى ۇ مەن قازاقپارات اراسىندا - ش ى ۇ- عا ءتوراعالىق ەتەتىن قازاقستاننىڭ جەتەكشى اقپاراتتىق اگەنتتىگىنىڭ اراسىندا ىنتىماقتاستىق تۋرالى كەلىسىمشارت جاسالعاندىعى تاعى ءبىر قۋانىش. ش ى ۇ حاتشىلىعى، ت ا س س جانە شينحۋا اراسىنداعى ىنتىماقتاستىقتىڭ وتە ءتيىمدى بولعاندىعىن ءومىردىڭ ءوزى كورسەتىپ وتىر. وتكەن كەزەڭدە ش ى ۇ جايلى ەكى مىڭعا جۋىق ماتەريال شينحۋا مەن ت ا س س ارنالارى ارقىلى تاراتىلدى. ارينە، قازاقپارات جۋرناليستەرى، وزگە دە ءبىزدىڭ ارىپتەستەرىمىز بەلسەندى جۇمىستار اتقاردى»، - دەپ اتاپ ءوتتى ر. اليموۆ.
ول كەلىسىمشارت جاسالۋىمەن «قازاقپارات» ح ا ا جاڭا ساپالى دەڭگەيگە كوتەرىلەتىندىگىنە سەنىم ءبىلدىردى. ءوز سوزىندە «قازاقپارات» ح ا ا باس ديرەكتورىنىڭ ورىنباسارى جاسۇلان تويبولدين وتكەن جىلى ش ى ۇ- نىڭ ساياسي جانە ەكونوميكالىق شارالارىمەن قاتار، مادەني- گۋمانيتارلىق باعىتتاعى جۇمىستارى دا كۇشەيگەندىگىن اتاپ ءوتتى.
«بۇل ش ى ۇ باس حاتشىلىعىنىڭ جۇرگىزىپ جاتقان بەلسەندى اقپاراتتىق جۇمىسىنىڭ ارقاسىندا قوعامنىڭ جەتىستىگىنە اينالدى. ءبىز ۇيىمدا بولىپ جاتقان وقيعالارمەن جانە جاڭالىقتاردى ش ى ۇ حاتشىلىعىنىڭ جاڭارتىلعان ينتەرنەت- سايتىنىڭ نۇسقاسى ارقىلى ۇلكەن قىزىعۋشىلىقپەن قاداعالاپ وتىرامىز.
«قازاقپارات» ح ا ا مەن ش ى ۇ حاتشىلىعىنىڭ وسى كەلىسىمشارتقا قول قويىلۋى ءبىزدىڭ ءوزارا بايلانىسىمىزدى جانە اقپاراتتىق جۇمىسىمىزدى جاڭا دەڭگەيگە كوتەرەدى، سونىمەن قاتار قازاقستاندا جانە وزگە دە ەلدەردىڭ ايماقتارىندا ۇيىمنىڭ تىنىس- تىرشىلىگىمەن كوپتەگەن ادامداردىڭ قانىعاتىندىعىنە سەنىمدىمىن»، - دەدى ول.
شارا بارىسىندا قوناقتارعا شاڭحاي ىنتىماقتاستىق ۇيىمىنىڭ «ۆەيبو» رەسمي اككاۋنتىنىڭ الەۋمەتتىك جەلىسىنىڭ تۇساۋكەسەرى جانە استانا قالاسى مەن قازاقستاننىڭ تابيعاتى جونىندەگى فوتو كورمە ءوتتى.
ەسكە سالا كەتسەك، كەزدەسۋ الدىندا ش ى ۇ باسپاءسوز كلۋبىنىڭ كەزەكتى وتىرىسىندا ونىڭ ۆيتسە- پرەزيدەنتى بولىپ قازاقپارات ح ا ا قىتايداعى مەنشىكتى ءتىلشىسى سايلانعان بولاتىن.
