پەتروپاۆلدا ۇزدىك ناۋرىز كوجە بايقاۋى ءوتتى

پەتروپاۆل. قازاقپارات - سولتۇستىك قازاقستان وبلىسىندا ناۋرىز مەيرامىنا ارنالعان مەرەكەلىك شارالار جالعاسۋدا، دەپ حابارلايدى «قازاقپارات» ح ا ا ءتىلشىسى.

نەگىزگى شارالار ورتالىق الاڭدا ءوتىپ جاتىر. مۇندا ەتنواۋىل، ساندىك- قولدانبالى ونەر بۇيىمدارىنىڭ كورمەسى وتۋدە. پەتروپاۆلدىق دومبىراشىلار «بالبىراۋىن» جانە «اداي» كۇيلەرىن ورىندادى. قالانىڭ شىعارماشىلىق ۇجىمدارى كونسەرتتىك باعدارلاما ازىرلەدى.

ناۋرىز مەيرامىن تويلاۋ اياسىندا مەيرامحانالار مەن ءدامحانالار اراسىندا ۇزدىك ناۋرىز كوجە بايقاۋى ءوتتى. ناتيجەسىندە «ەسىل» مەيرامحاناسىنىڭ ناۋرىز كوجەسى ۇزدىك دەپ تانىلدى.

كەشكە پەتروپاۆلدىڭ ورتالىق الاڭىندا «ناۋرىز كوكتەم» كەشكى جاستار باعدارلاماسى وتەدى دەپ كۇتىلۋدە.