00:08, 24 - ناۋرىز 2017 | GMT +5
اقتاۋدا ناۋرىز كەزىندە «قىز ۇزاتۋ» سالتى ورىندالدى
اقتاۋ. قازاقپارات - بۇگىن اقتاۋدىڭ تەڭىز جاعالاۋىندا قالا قوناقتارى مەن تۇرعىندارىنا 20-دان استام كيىز تىگىلىپ، ناۋرىز مەيرامىنىڭ قۇرمەتىنە جاپپاي قىدىرۋ، سپورتتىق سايىستار، مادەني باعدارلامالار بولدى.
سونىمەن بىرگە، ۇلتتىق ءداستۇرىمىزدىڭ اينىماس بولىگى «قىز ۇزاتۋ» ءراسىمىنىڭ تەاترلاندىرىلعان قويىلىمى ءوتتى، دەپ حابارلايدى «قازاقپارات» ح ا ا ءتىلشىسى.
«بارلىق ەتنومادەني بىرلەستىكتەر كيىز ءۇي ماڭىندا ءان سالىپ، بي بيلەپ، ءتۇرلى ويىندار وينادى. بارلىعى ۇلتتىق كيىم كيىپ، ۇلتتىق تاعامداردى ۇسىندى. ماسەلەن، ءبىزدىڭ كيىز ۇيدە جاڭا پىسىرىلگەن باۋىرساقپەن شۇبات ىشۋگە بولادى. ۇلتتىق تاعامدار مەن بۇيىمدار كورمەسى اشىلىپ، ءتۇرلى سپورتتىق سايىستار، ۇلتتىق ويىندار وتۋدە»، - دەدى ماڭعىستاۋ وبلىسى «قوعامدىق كەلىسىم» ك م م جەتەكشىسى امانگۇل جايىلحانوۆا.
