پاۆلودارداعى ورتالىق الاڭعا جينالعان بەس مىڭ ادامعا تەگىن كوجە، پالاۋ جانە باۋىرساق تاراتىلدى
الاڭعا جينالعان جۇرتتى وبلىس اكىمى بولات باقاۋوۆ كەلىپ جەتكەن ناۋرىز مەرەكەسىمەن قۇتتىقتاپ، ەلىمىزگە تىنىشتىق، بەرەكە- بىرلىك تىلەدى، دەپ حابارلايدى pavlodarnews.kz.
«ناۋرىز كەلگەندە تابيعات جاڭارىپ، ادام بالاسىنا كۇن نۇرى توگىلەدى. وسى كۇننەن باستاپ كۇن مەن ءتۇن تەڭەلىپ، تابيعاتقا جان بىتەدى. بيىل پاۆلودار وبلىسىندا ناۋرىز مەيرامىن تويلاۋ دەڭگەيىن جىلداعىدان ۇلعاتىپ، كەڭ كولەمدە اتاپ ءوتۋدى قولعا الىپ وتىرمىز. وسىلايشا قىستىڭ وتكەنى، جازدىڭ جەتكەنىن سەزىنەتىن بولامىز»، - دەدى بولات باقاۋوۆ.
وبلىس اكىمىنىڭ باسپا ءسوز حاتشىسى ازامات بايتەنوۆتىڭ سوزىنشە، وسى كۇنى بەس مىڭ ادامعا ناۋرىز كوجەسى تەگىن تاراتىلعان. ۇلتتىق تاعامىمىزدى مولىنان ازىرلەپ اكەلىپ، جينالعان حالىقتىڭ ىستىق ىقىلاسىنا بولەنگەندەردىڭ ءبىرى - پاۆلودار قالالىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار ءبولىمىنىڭ ۇجىمى.
- ۇلىستىڭ ۇلى كۇنى قارساڭىندا كوجە، پالاۋ جانە باۋىرساق ءپىسىرىپ اكەلىپ، تەگىن ۇلەستىرۋ جىل سايىنعى بۇلجىماس ءداستۇرىمىز. بيىل 1 مىڭ 500 ادامعا شاقتاپ دايىندادىق. اتاپ ايتار بولساق، 300 كەلى پالاۋ، 100 ليت كوجە جانە 3 مىڭ دانا باۋىرساقتى ءبىزدىڭ ماماندار تەگىن ۇلەستىردى، - دەيدى ءبولىم باسشىسىنىڭ ورىنباسارى، - رىمكەش ساعىنوۆا.
ايتا كەتەيىك، بيىلعى ناۋرىز تويىنىڭ كەلۋىمەن بارشا پاۆلودار جۇرتىن قۇتتىقتاۋعا « ۇلىتاۋ»، «اسىل» توپتارى جانە گۇلنۇر ورازىمبەتوۆا مەن ەركە ەسماحان سىندى قازاق ەسترادا جۇلدىزدارى كەلىپ، مەرەكەنىڭ ءسان- سالتاناتىن كەلتىردى. وسى كۇنى ورتالىق الاڭعا جينالعان جۇرتتىڭ اراسىندا ءتۇرلى ويىندار مەن سپورتتىق جارىستار ۇيىمداستىرىلىپ، جەڭىمپازدارعا ءتۇرلى سىي- سياپاتتار تاراتىلدى.
