نازاربايەۆ: ميلليوننان استام ەتنيكالىق قازاق وزبەكستاندا تۇرىپ جاتىر

استانا. قازاقپارات - شاۆكات ميرزيەيەۆتىڭ ەلىمىزگە العاشقى مەملەكەتتىك ساپارى ىنتىماقتاستىق پەن ارىپتەستىكتىڭ جاڭا بەلەسىنە جول اشتى.

 بۇل تۋرالى بۇگىن اقوردادا وزبەكستان پرەزيدەنتى شاۆكات ميرزيەيەۆپەن بولعان كەلىسسوزدەردەن كەيىنگى بىرلەسكەن مالىمدەمە بارىسىندا ەلباسى نۇرسۇلتان نازاربايەۆ ايتتى، دەپ حابارلايدى قازاقپارات.

 «ءبىزدىڭ تىعىز مادەني- تاريحي بايلانىستارىمىز دوستىق قارىم- قاتىناسىمىزدىڭ ماڭىزدى فاكتورى سانالادى. ميلليوننان استام ەتنيكالىق قازاق وزبەكستاندا تۇرىپ جاتىر. شامامەن 500 مىڭ وزبەك ەكى مەملەكەتتى دە ءوز وتاندارى سانايدى»، - دەپ اتاپ ءوتتى ەلباسى.

 مەملەكەت باسشىسى بۇگىنگى كەلىسسوزدەر بارىسىندا وزبەك ارىپتەسىمەن مادەني كۇندەر وتكىزۋ جايىندا ۋاعدالاستىق جاساعاندىعىن اتاپ ءوتتى.

«قازاقستان وزبەكستان جاستارىن، ستۋدەنتتەرىن ءبىزدىڭ جوعارى وقۋ ورىندارىندا وقۋعا شاقىرادى. سونداي الماسۋ جاساۋ قاجەت شىعار»، - دەدى نۇرسۇلتان نازاربايەۆ.

سونىمەن قاتار ق ر پرەزيدەنتى قازاقستانداعى وزبەكتەردىڭ ءوز مادەني ورتالىقتارى، تەاترلارى بار ەكەندىگىن، ق ح ا، پارلامەنت قۇرامىندا دا مۇشەلەرى سايلانعانىن، قاجەتتىلىك بار جەرلەردە وزبەك تىلىندەگى مەكتەپتەردىڭ جۇمىس ىستەپ تۇرعانىن باسا ايتتى.

 «بۇگىنگى كەلىسسوزدەر ناتيجەسىنە مەن وتە جوعارى باعا بەرەمىن. شاۆكات ميرزيەيەۆتىڭ ەلىمىزگە العاشقى مەملەكەتتىك ساپارى ىنتىماقتاستىق پەن ارىپتەستىكتىڭ جاڭا بەلەسىنە جول اشتى دەپ سانايمىن. وزبەكستان ءوسىپ، وركەندەي بەرسىن! باۋىرلاس وزبەك حالقىنا باق، بەرەكە تىلەيمىن!»، - دەدى ەلباسى.

 اۆتور: مارلان جيەمباي