13:17, 23 - ناۋرىز 2017 | GMT +5
نۇرسۇلتان نازاربايەۆ وزبەكستان پرەزيدەنتىنە ەكسپو نىساندارىن كورسەتەدى
استانا. قازاقپارات - قازاقستان مەن وزبەكستان پرەزيدەنتتەرى «ەكسپو-2017» حالىقارالىق كورمەسى وتەتىن نىسانداردى ارالايدى.
بۇل تۋرالى بۇگىن اقوردادا وزبەكستان پرەزيدەنتى شاۆكات ميرزيەيەۆپەن كەڭەيتىلگەن قۇرامداعى كەلىسسوزدەر بارىسىندا ەلباسى نۇرسۇلتان نازاربايەۆ ايتتى، دەپ حابارلايدى قازاقپارات.
«شاۆكات ميرومون ۇلى جەكە وزىڭىزگە «ەكسپو-2017» كورمەسىنە وزبەكستاننىڭ كەڭ اۋقىمدا قاتىساتىندىعى تۋرالى شەشىم قابىلداعانىڭىز ءۇشىن ريزاشىلىعىمدى بىلدىرگىم كەلەدى. بۇگىن كورمەنى سىزگە كورسەتەمىن دەپ ۇمىتتەنەمىن»، - دەدى نۇرسۇلتان نازاربايەۆ وزبەكستاندىق ارىپتەسىنە قاراتا.
سونىمەن بىرگە قازاقستان پرەزيدەنتى وزبەكستاننىڭ ەكسپو كورمەسىنە قاتىسۋ ارقىلى ءوزىنىڭ ەڭ ۇزدىك جەتىستىكتەرىن الەم نازارىنا ۇسىنۋ مۇمكىنشىلىگىن الاتىندىعىن اتاپ ءوتتى.
اۆتور: مارلان جيەمباي
