ەركە ەسماحان: مەن دايىن، ەندى تەك كۇيەۋ جىگىت كەرەك

استانا. قازاقپارات - قازاقستاندىق تانىمال ءانشى ەركە ەسماحان وقىرماندارىمەن ءوزىنىڭ باسىنان وتكەن قىزىقتى وقيعاسىمەن ءبولىستى.

ءانشى ءوزىنىڭ Instagram جەلىسىندەگى پاراقشاسىندا اكتەر ءادىل احمەتوۆپەن بىرگە جۇرگىزگەن تويدا ورىن العان جاعدايدى جاريا قىلعان.

"كەشەگى، ءادىل ەكەۋمىز جۇرگىزگەن تويدا " ءبىر قىزىق" بولدى! توي داستۇرىمەن، كەلىنشەك "تۇرمىس قۇرماعان قۇربىلارىنا" لاقتىرعان "شوق گۇلدەرى" مەنىڭ قولىما توپ ەتە قالدى. قۇربىلارىنان ۇيات بولدى!

توي يەلەرى مەن قوناقتارى، مەنى قۇتتىقتاپ ءامپاي- ءجامپاي بولدىق. گۇل قولدا، مەن دايىن، ەندى قالعانى تەك "كۇيەۋ جىگىت"! ءادىلدىڭ "بۋكەتكە" دىم قاتىسى جوق!"، - دەپ جازدى ول.

ەركەنىڭ تىڭدارماندارى مەن جانكۇيەرلەرى وعان ءتۇرلى تىلەكتەرىن جاۋدىرۋدا. ولاردىڭ كوبىسى "باعىڭ اشىلسىن، ءوز تەڭىڭدى تاۋىپ، تۇرمىسقا شىعۋىڭا تىلەكتەسپىز"، - دەپ پىكىر قالدىرىپ جاتىر.

NUR. KZ