كوشەربايەۆ كۇرىشتەن ۇن مەن ماي الۋ ءوندىرىسىن جولعا قويۋدى تاپسىردى
دەپ حابارلادى قازاقپارات ح ا ا ءتىلشىسى وبلىستىق اكىمدىككە سىلتەمە جاساپ.
جيىندى اشا وتىرىپ، قىزىلوردا وبلىسىنىڭ اكىمى قىرىمبەك كوشەربايەۆ اسىرەسە اۋىلدىق جەرلەردە كاسىپكەرلىكتىڭ دامۋى - اكىمدەردىڭ جۇمىسىنىڭ ەڭ باستى كورسەتكىشتەرىنىڭ ءبىرى ەكەندىگىن اتاپ ءوتتى.
«ءبىرىنشى كەزەكتە، ءار اۋدان بويىنشا ولاردىڭ گەوگرافيالىق ورنالاسۋىن، تابيعي بايلىعىن، كاسىبي سالتىن ەسكەرە وتىرىپ، بيزنەس جوبالاردىڭ ىسكە اسىرىلۋىن قولعا الۋ قاجەت. مىسالعا ايتاتىن بولساق، قارماقشى، جالاعاش، سىرداريا اۋداندارىندا سۋارمالى ەگىن، كوكونىس، باقشا شارۋاشىلىقتارىن دامىتۋعا بولادى. جالاعاش اۋدانىندا ميا وڭدەۋ زاۋىتى اينالاسىندا ميا سۋسىنى، تىڭايتقىش ونىمدەرى، فارماتسيەۆتيكالىق ونىمدەر، كومبيكورمدىق جەم شىعارۋ، ال ەليەۆاتور كەشەنى اينالاسىندا كۇرىش كەسپەسىن، كۇرىش ۇنىن، كۇرىش مايىن، سونداي- اق كۇرىش سابانىنان قاپ، كرافت قاعازدارىن شىعاراتىن كاسىپورىنداردى دامىتۋ كەرەك»، - دەدى قىرىمبەك كوشەربايەۆ.
وبلىس اكىمىنىڭ ورىنباسارى ەۆگەني كيم، اۋدان اكىمدەرى جانە قىزىلوردا وبلىستىق وڭىرلىك كاسىپكەرلەر پالاتاسىنىڭ ءتوراعاسى اسقار ماحامبەتوۆ شوب دامىتۋ جانە جۋىردا قابىلدانعان ايماقتاعى كاسىپكەرلىكتى دامىتۋدىڭ 2017 -جىلعا ارنالعان ءبىرىڭعاي جول كارتاسىن جۇزەگە اسىرۋ بويىنشا باياندامالار جاسادى.
وتىرىس قورىتىندىسى بويىنشا، مەملەكەتتىك مەكەمەلەر مەن ايماقتىق دامۋ ينستيتۋتتارىنىڭ باسشىلارىنا وڭىرلىك كاسىپكەرلىك پالاتاسىمەن جانە «بايقوڭىر ا ك ك» - مەن بىرلەسە وتىرىپ، ەڭ ءبىرىنشى كەزەكتە، ەلدىمەكەن تۇرعىندارىنا شاعىن كاسىپ اشۋدىڭ نەگىزدەرىن ۇيرەتۋ شارالارىن قابىلداۋ، بيزنەس جوبالاردى جۇزەگە اسىرۋ مەن اۋداندارداعى يندۋستريالىق اۋماقتاردى دامىتۋ، جۇمىسسىز جانە ءوزىن- ءوزى ەڭبەكپەن قامتىعان، جاڭادان كاسىبىن اشقان ازاماتتارعا قولداۋ تانىتىپ، كومەك كورسەتۋ جۇمىستارى تاپسىرىلدى.
ميكرو، شاعىن جانە ورتا بيزنەستى دامىتۋ بويىنشا اكتيۆ وتىرىستارى سونداي- اق، جاڭاقورعان، شيەلى اۋداندارى مەن وبلىس ورتالىعىندا دا وتەدى.
اۆتور: ەلۋباي اۋەزوۆ
