00:40, 23 - ناۋرىز 2017 | GMT +5
وزبەكستان پرەزيدەنتى شاۆكات ميرزيەۆ استاناعا كەلدى
استانا. قازاقپارات - بۇگىن قازاقستان پرەمەر- ءمينيسترى باقىتجان ساعىنتايەۆ مەملەكەت باسشىسىنىڭ تاپسىرماسىمەن استانا قالاسىنىڭ اۋەجايىندا قازاقستانعا مەملەكەتتىك ساپارمەن كەلگەن وزبەكستان رەسپۋبليكاسىنىڭ پرەزيدەنتى شاۆكات ميرزييەۆتى قارسى الدى،
دەپ حابارلايدى primeminister.kz .
سونىمەن قاتار مارتەبەلى قوناقتى پرەمەر- ءمينيستردىڭ ءبىرىنشى ورىنباسارى ا. مامين، سىرتقى ىستەر ءمينيسترى ق. ءابدىراحمانوۆ، استانا قالاسىنىڭ اكىمى ءا. يسەكەشيەۆ، ءو ر- داعى قازاقستان ەلشىسى ە. وتەمبايەۆ قارسى الدى.
بۇل شاۆكات ميرزييەۆتىڭ وزبەكستان رەسپۋبليكاسىنىڭ پرەزيدەنتى رەتىندەگى قازاقستانعا العاشقى رەسمي ساپارى.
وزبەكستان رەسپۋبليكاسىنىڭ پرەزيدەنتى ميرزييەۆ قازاقستان پرەزيدەنتى نۇرسۇلتان نازاربايەۆپەن كەزدەسۋ وتكىزەدى، وندا ەكىجاقتى ىنتىماقتاستىق ماسەلەلەرى تالقىلاناتىن بولادى.
