ا ق ش ساياساتكەرلەرى قازاقستاندىقتاردى ناۋرىز مەيرامىمەن قۇتتىقتادى

استانا. قازاقپارات -  ءاز ناۋرىز -  تۇركى جۇرتىنا ورتاق مەيرام. تابيعاتتىڭ جاڭارۋىمەن تۇسپا- تۇس كەلەتىن ۇلىق مەرەكەگە وزگە ەلدەردىڭ دە ساياساتكەرلەرى تىلەك ايتىسىپ، ءوز لەبىزدەرىن ءبىلدىرىپ جاتىر. كۇن مەن ءتۇن تەڭەلەتىن تاماشا مەرەكەمەن قازاقستان حالقىن ا ق ش ساياساتكەرلەرى قۇتتىقتادى.

دەن روزەمبليۋم، ورتالىق ازيا بويىنشا ا ق ش مەملەكەتتىك حاتشىسىنىڭ ورىنباسارى:

 - ەڭ الدىمەن قازاقستاننىڭ بارشا ازاماتتارىن مەرەكەمەن قۇتتىقتايمىن. ناۋرىز قۇتتى بولسىن! ءار وتباسىعا اشىق اسپان تىلەيمىن. ەلشىلىكتىڭ قوناعى رەتىندە شاقىرىپ، دوستىق قارىم- قاتىناستى نىعايتىپ جاتقانىنا ءدان ريزامىن. ءبىزدىڭ مەملەكەتتەر اراسىندا دا وسىنداي جىلى شىرايلى قاتىناس بار. وسى دوستىعىمىز ودان ءارى جالعاسىن تاپسىن دەپ تىلەيمىز.

دەن بارتون، 1983-2003 ج. ج. ا ق ش كونگرەسىنىڭ مۇشەسى:

- مەن بارشا قازاقستاندىقتاردا ناۋرىز مەرەكەسىمەن قۇتتىقتاعىم كەلەدى. ەكى رەت استانا قالاسىندا بولدىم. بايقاعانىم، حالقى قاراپايىم جانە قوناقجاي. سوندىقتان دا ۇنەمى سىزدەردىڭ ەلدەرىڭىزگە بارعىم كەلىپ تۇرادى.

http://khabar.kz/kz/news