تارازدا باۋىرساق جەۋدەن جارىس ءوتتى

استانا. قازاقپارات - بۇگىن جامبىلدىقتار «شاتتىق كۇنىن» اتاپ ءوتىپ جاتىر. تۇرعىندار ساياباققا شىعىپ، ويىن- ساۋىق قۇردى. ناۋرىز كوجە ءپىسىرىپ، ۇلتتىق سالت- داستۇرلەر مەن ادەت- عۇرىپتاردى جاستار اراسىندا ناسيحاتتادى.

 قالا جاستارى اراسىندا لاڭگى، شەكەمتاس، اسىق اتۋ، ارقان تارتۋ سياقتى ۇمىت قالىپ بارا جاتقان ويىندار ۇيىمداستىرىلىپ، ەرەجەلەرى ءتۇسىندىرىلدى. ۇلتتىق كيىم كيگەن قىز- جىگىتتەر التىباقان تەۋىپ، ۇلىق مەرەكە كوركىن قىزدىرا ءتۇستى. ال شارانىڭ ەكىنشى بولىگىندە قوماعايلار جارىسى ۇيىمداستىرىلدى. ولار باۋىرساق جەپ جارىسىپ، ءوزارا مىقتىنى انىقتادى. نەگىزگى مەرەكەلىك شارالار ەرتەڭگە جوسپارلانىپ وتىر.

ەلدوس تولەنديەۆ، قالالىق جاستار رەسۋرستىق ورتالىعىنىڭ ديرەكتورى:

 - ناۋرىز مەرەكەسىن اتاپ ءوتۋ ماقساتىندا ۇلكەن كەشەندى ءىس- شارالار جوسپارى بەكىتىلگەن. ياعني وسى ايدىڭ 14-ىنەن باستاپ ءار كۇنگە، ماسەلەن، جاڭارۋ، قۇرمەت، ىرىس، بەرەكە كۇنى دەگەن ءارتۇرلى ۇرانمەن كۇندەلىكتى وسىنداي شارالار وتكىزىپ جاتىرمىز. بۇگىنگى 21 - ناۋرىز «شاتتىق كۇنى» بولىپ بەكىتىلگەن.

www.24.kz