ەردوعان تۇركيادا ءولىم جازاسىن قايتا ەنگىزەتىنىن اشىپ ايتتى

 استانا. قازاقپارات - تۇركيا پرەزيدەنتى رەجەپ تايىپ ەردوعان ءوزىنىڭ قۇزىرەتىن كەڭەيتۋگە قاتىستى وتكىزىلەتىن رەفەرەندۋمنان كەيىن ەل پارلامەنتىنىڭ ءولىم جازاسىن قايتا قالپىنا كەلتىرۋ تۋرالى زاڭدى قابىلدايتىنىنا ءۇمىت بىلدىرەتىن ايتىپ، مالىمدەمە جاسادى.

 

بۇل تۋرالى islam.kz حابارلايدى.

ايتا كەتەيىك، اتالمىش ەلدە ءولىم جازاسى 2004-جىلى كۇشىن جويعان بولاتىن. تۇركيا مۇنداي قادامعا ەۋرووداققا ەنۋ ماقساتىندا بارعان.

ەگەر مەملەكەتتە ءولىم جازاسى قايتا ەنگىزىلەتىن بولسا، وندا تۇركيانىڭ ەۋرووداق قۇرامىنا ەنۋگە وسى ۋاقىتقا دەيىن جۇمساعان بارلىق كۇش-جىگەرى زايا كەتەتىن بولادى. بۇل جايىندا The National اقپارات كوزى حابار تاراتتى.

«شىلدە ايىنىڭ 15 ءى كۇنى ساتسىزدىككە ۇشىراعان توڭكەرىس قۇرباندارى مەن قاھارماندارىنىڭ وتباسى الاڭداماي-اق قويسىن. اللا قالاسا، ءولىم جازاسىن قالپىنا كەلتىرۋ تالابىن ورىنداۋ ءۇشىن ءساۋىر ايىنىڭ 16 ى كۇنى پارلامەنت داۋىس بەرگەننەن كەيىن بارلىق قاجەتتى نارسەلەردى ورىندايدى»، - دەدى ول مالىمدەمەسىندە.

«ماعان كەلسەك، ونى ويلانىپ-تولعانىپ جاتپاستان ماقۇلدار ەدىم»، - دەدى ول.

ەردوعان ە و جەتەكشىلەرىنە ءولىم جازاسىن ەنگىزۋ تۋراسىندا بىرنەشە رەت ەسكەرتۋ جاساعان بولاتىن، الايدا، پارلامەنتكە وسى ماسەلە بويىنشا العاش رەت ۇندەۋ جاريالاپ وتىر.