ەر ازاماتتاردى ەرەكشە ەلىكتىرەتىن ون ارەكەت

 استانا. قازاقپارات - دەنە ءپىشىنىڭدى ايقىنداپ تۇراتىن جەڭىل كويلەكتەر مەن بىرلەسە وتىرىپ كورگەن رومانتيكالىق فيلمدەر سۇيىكتىڭمەن جاقىنداستىرا تۇسەدى.

 

ءبىراق ەر ادام ۇناتاتىن يىستەر مەن ەرەكشە زاتتار بولاتىنىن ءبىرى بىلسە، ءبىرى بىلمەس. ەندەشە، vmirechudes.com سايتى ۇسىنعان ەر اتاۋلىسىن ەلىكتىرەتىن ون ارەكەتتى نازارلارىڭىزعا ۇسىنامىز.

1. كەنەتتىك

ەر ازاماتتار ايەلدەردىڭ كۇتپەگەن جەردەن توسىن سىي جاساۋ قاسيەتتەرىن ۇناتادى. اتالمىش قاسيەتتەر ەكى جاستىڭ اراسىنداعى سەزىمدەرىندە جاڭاشىلدىق سىيلايدى. ال جاستار اراسىنداعى قاتىناستارعا تىڭ سەرپىلىستەر ءاردايىم قاجەت!

2. قورعانسىزدىق پەن نازىكتىك

قىزمەتىندە جوعارى مانساپقا يە ايەلدەردىڭ جەكە ومىرىندە ادەتتە «قاراڭعىلىق» باسىم بولاتىندىعى ەشكىمگە جاسىرىن ەمەس. بار ۋاقىتىن جۇمىسىنا بولگەن ارۋلاردىڭ مىنەز-قۇلقى دا وزگەرە باستايدى. ولار نە بولسا دا مىقتى بولۋعا تىرىسۋمەن بولادى. ال جىگىتتەر قىز-كەلىنشەكتەردىڭ بويىنداعى قورعانسىزدىق پەن نازىكتىك قاسيەتتەردى باعالايدى.

3. ادامزاتقا قامقورلىق تانىتۋ

بريتان پسيحولوگيالىق جۋرنالىنىڭ تامىز ايىندا جاريالانعان نومىرىندەگى زەرتتەۋگە سايكەس، وزگە بىرەۋلەرگە قامقور بولىپ جۇرەتىن ايەلدەر ەرەكشە كوز تارتادى ەكەن.

4. سەكسۋالدى قاتىناستى كەيىنگە شەگەرۋ

بىرىگىپ فيلم كورۋ، توسەكتە جاتىپ كىتاپ وقۋ سىندى جىنىستىق قاتىناسسىز وتكەن كەزدەسۋ كەشتەرى ەمموتسيونالدى قاتىناستاردى ودان ءارى نىعايتا تۇسپەسە، كەم قىلمايتىنى انىق.

5. قىلىقتى بولۋ

جىگىتتەر كوزىمەن جاقسى كورەدى دەپ جاتادى. ەندەشە نەگە ولاردىڭ تارتىبىنە باعىنىپ كورمەسكە؟! ۋاقىت وتە كەلە ارا-اراسىندا جىگىتىڭىزگە ەلىكتىرەر كوزبەن قاراپ، ادەمى ءىش كيىمىڭىزبەن قىزىعۋشىلىعىن وياتىپ قويۋىڭىزعا بولادى.

6. اسقاباق ءبالىشىنىڭ ءيىسىن ايتساڭىزشى...

قىمبات ءيىسسۋلاردى ۇمىتىڭىز! عالىمدار انىقتاعانداي، 23 جۇپار ءيىستىڭ ىشىندەگى اسقاباق ءبالىشىنىڭ لاۆاندامەن قوسىلعانداعى حوش ءيىسى ەر ازاماتتاردىڭ جىگىتتىك قاسيەتتەرىن ارتتىرادى ەكەن. نەگە؟ سەبەبى، بۇنداي حوش ءيىس تابيعات اياسىنداعى سەرۋەندى ەلەستەتىپ، جانعا جايلىلىق سىيلادى.

7. كەلەسى كەزدەسۋ كەشىڭىزگە قىزىل كويلەك كيىپ بارىڭىز!

عالىمداردىڭ ايتۋىنشا، ايەل زاتى قىزىل كويلەك كيگەن ساتتە ەرەكشە كوز تارتادى. تابيعات تا وسى زاڭعا باعىنادى! جىنىستىق قاتىناستا ءلاززات الۋ ءساتى جاقىنداعان كەزدە بابۋين ۇرعاشىلارى مەن شيمپانزەلەر دەنەسىنىڭ قىزىل بولىگىن كورسەتەدى ەكەن. بۇنداي كورىنىس ءوز كەزەگىندە سەكسۋالدى سيگنال بەرۋدىڭ ءبىر ءتاسىلى دەسەدى.

8. ادەمى ۇيلەسەتىن ءىش كيىم

ايەل ادام ءتوس تارتقىش پەن ءىش كيىمىنە اسا ءمان بەرمەسە، جىگىتتەرگە بۇل ۇناي قويمايدى. جىگىتىڭىزگە ەرەكشە توسىن سىي جاسار الدىندا ەسىڭىزدە بولسىن! تارتىمدى بولعىڭىز كەلە مە؟ قىزىل ءتۇستى ءىش كيىم تاڭداڭىز!

9. كەڭ بوكسەلى ارۋلار

كوپتەگەن ەر ازاماتتارعا ۇلكەن بوكسەلى ارۋلار ۇنايدى ەكەن. كاليفورنيا ۋنيۆەرسيتەتىنىڭ عالىمدارى بۇنى بىلاي دەپ ءتۇسىندىردى: ايەل بوكسەسى نەعۇرلىم كەڭ بولعان سايىن وندا جۇكتىلىك كەزىندە بولاشاق اناعا قاجەتتى ومەگا-3 قىشقىلى كوپ بولادى.

10. ەلىكتىرەر كۇلكى

مەديتسينا عىلىمدارىنىڭ دوكتورى ماريا سوفوكلەستىڭ ايتۋىنشا، ايەل كۇلكىسى ەر ادامدى ەرەكشە ەلىكتىرەدى. سەبەبى، ولار ايەل كۇلكىسىنىڭ داۋسىن جىنىستىق قاتىناسقا تۇسكەندە شىعاتىن ءلاززاتتى داۋىسقا تەڭەيدى ەكەن.