10:45, 22 - ناۋرىز 2017 | GMT +5
تۇركىمەنستان پرەزيدەنتىنىڭ ۇلى ەل پارلامەنتىندە جوعارى قىزمەتكە وتىردى
استانا. قازاقپارات - تۇركىمەنستان پرەزيدەنتى گۋربانگۋلى بەردىمۇحامەدوۆتىڭ جالعىز ۇلى سەردار بەردىمۇحامەدوۆ ەل پارلامەنتىندە جوعارى قىزمەتكە وتىردى.
تۇركىمەن مەملەكەتتىك باسپا ءسوز قۇرالدارى سەردار بەردىمۇحامەدوۆ ەندى پارلامەنتتىڭ قۇقىقتىق ماسەلەلەر جونىندەگى كوميتەتىن باسقاراتىنى تۋرالى حابارلادى. بۇعان دەيىن ول تۇركىمەنستان سىرتقى ىستەر مينيسترلىگى اقپارات دەپارتامەنتىنىڭ جەتەكشىسى بولعان.
ونىڭ اكەسى پرەزيدەنت گۋربانگۋلى بەردىمۇحامەدوۆ تۇركىمەنستاندى 2006 -جىلدان بەرى باسقارىپ وتىر. ول تۇركىمەنستانىڭ تۇڭعىش پرەزيدەنتى ساپارمۇرات نيازوۆ قايتىس بولعاننان كەيىن بيلىك باسىنا كەلگەن.
گۋربانگۋلى بەردىمۇحامەدوۆتىڭ ءۇش قىز، ءبىر ۇلى بار.
«ازاتتىق» جاڭالىقتارى
