ەۋرووداقتىڭ ديپلوماتتارى ناۋرىز مەيرامىمەن قۇتتىقتادى

بريۋسسەل. قازاقپارات - ەۋروپانىڭ سىرتقى ءىس-قيمىل قىزمەتى بارشا حالىقتى كوكتەمگى مەرەكە - ناۋرىز مەيرامىمەن قۇتتىقتادى

بۇل تۋرالى ەۋرووداقتىڭ ديپلوماتتارى تۋيتتەردەگى پاراقشاسىندا جازدى. «ناۋرىزدى مەرەكەلەيتىندەرگە بار جاقسىلىقتى تىلەيمىز!» (Best wishes to all celebrating #Nowruz today! #nowruzmobarak)، - دەپ جازدى ەۋروپانىڭ سىرتقى ءىس-قيمىل قىزمەتى كەلتە بلوگىندا.

بۇعان دەيىن قازاقستاندىقتاردى ناۋرىز مەيرامىمەن قازاقستانداعى ا ق ش ەلشىسى دجوردج كرول مەن قازاقستانداعى  ۇلى بريتانيا ەلشىسى كەرولين براۋن قازاقشا قۇتتىقتاعان بولاتىن. سونداي-اق كانادانىڭ پرەمەر-ءمينيسترى دجاستين تريۋدودا وسى مەيرامدى اتاپ وتەتىندەرگە ىزگى نيەتىن جەتكىزدى.