گولوۆكينگە ءتىل تيگىزگەن قۋات حاميتتى جاس بالۋان جەكپە- جەككە شاقىردى - فوتو
تۇڭعىش رەت 12 راۋندقا سوزىلىپ، نوكاۋتتار سەرياسى اياقتالىپ، قازاقستاندىق جانكۇيەرلەردىڭ توبەلەسۋىمەن ەستە قالعان كەزدەسۋگە قاتىستى تاعى ءبىر جاس بالۋان پىكىر ءبىلدىردى.
بۇل تۋرالى NUR. KZ حابارلايدى.
ەستەرىڭىزدە بولسا، م م ا جاۋىنگەرى، ەرەجەسىز جەكپە- جەكتەن ءۇش دۇركىن الەم چەمپيونى اتانعان قۋات حاميت گولوۆكينگە بوكستان كەتۋگە كەڭەس بەرگەن بولاتىن. قۋات گەنانىڭ بوكستاعى ۋاقىتى ءوتىپ كەتكەنىن ايتىپ، دەنيەل دجەيكوبسپەن كەزدەسۋدىڭ تەڭ تۇسكەنىن جازعان.
قۋاتتىڭ بۇل ءسوزى كوپشىلىكتىڭ اشۋىنا ءتيدى. م م ا جاۋىنگەرى بۇل پىكىرىن الەۋمەتتىك جەلىدەن الىپ تاستاعان. ايتسە دە، جانكۇيەرلەر نايماننىڭ پىكىرىنە قاتىستى ۇزاق داۋلاستى.
ال مىرزا ەركىنبەكوۆ ەسىمدى سپورتشى گەنانى قارالاعانى ءۇشىن قۋات حاميتتى جەكپە- جەك شاقىردى. بۇل تۋرالى ول الەۋمەتتىك جەلىدەگى پاراقشاسىندا جازعان.
- مەن بارلىق قازاقستاندىقتاردى ءبىزدىڭ چەمپيونىمىز گەننادي گولوۆكيننىڭ جەڭىسىمەن قۇتتىقتايمىن. ول كەزەكتى رەت ءوزىنىڭ مىقتىلىعىن دالەلدەدى. بۇگىندە كاسىبي بوكستىڭ قىزىعى كەتىپ بارا جاتقانى جاسىرىن ەمەس. كەزدەسۋلەر ءىش پىستىرارلىق بولىپ كەتتى. ال ءبىزدىڭ گەنا تايسون، ءالي، روي دجونستار سەكىلدى ەستەن تاندىرارلىق جەكپە- جەكتەر وتكىزىپ، الەم جانكۇيەرلەرىن قۋانتۋدا.
قازىرگى بوكستىڭ قىزىعىن كەتىرمەي تۇرعان ادامداردىڭ قاتارىندا ءبىزدىڭ گەنانىڭ بار ەكەنىن سەزىنۋ ۇلكەن ماقتانىش. ال قۋات حاميت سەكىلدىلەر ەل سپورتىنىڭ ماقتانىشىن قارالاپ، وزىنە ۇپاي جيناۋدى كوزدەيدى، - دەيدى ەركىنبەكوۆ.
مىرزا ەركىنبەكوۆ پانكراتيون م م ا بويىنشا 2016 - جىلعى الەم چەمپيونى. ول "الەم فايتەرس" كومانداسىنىڭ مۇشەسى.
- مەنىڭشە، گەنناديدى كىنالاۋعا رينگكە شىعىپ كورمەگەن كەز كەلگەن ادام دايىن تۇر. ءبىراق رينگكە شىعىپ، م م ا جاۋىنگەرى اتانعان ادامنىڭ بۇلاي ايتقانى ۇيات.
نايمان، مەن سەنى جەكپە- جەككە شاقىرامىن. ءوز مىقتىلىعىندى كلاۆياتۋرامەن ەمەس، كۇشىڭمەن رينگتە كورسەت.
مەن جاسپىن، اۋەسقويلار مەن كاسىبيلەر اراسىندا بىرنەشە جەكپە- جەك وتكىزىپ ۇلگەردىم. 22 جاسىمدا الەم چەمپيونى اتاندىم. گەناعا ەمەس، ساعان سپورتتان كەتۋ كەرەك. مەن سەنى جەكپە- جەككە شاقىرامىن، - دەپ جازدى ەركىنبەكوۆ.
