ەلباسى «قوش كەلدىڭ، ءاز-ناۋرىز» مەرەكەلىك شاراسىن تاماشالادى
«سارى ارقا» ۆەلوكەشەنىندە ەسترادا جۇلدىزدارىنىڭ كوكتەم مەيرامىنا ارنالعان گالا-كونسەرتىنەن كەيىن بىردەن «حان شاتىر» جانىنداعى الاڭعا كەلگەن قازاقستان پرەزيدەنتى حالىقپەن ەمەن-جارقىن اڭگىمەلەسىپ، بالۋاندار كۇرەسىن، قولونەرشىلەر جارمەڭكەسىن تاماشالادى.
ايتا كەتەرلىگى، تاڭەرتەڭنەن بەرى «حان شاتىر» س و س و- دا «قوش كەلدىڭ، ءاز-ناۋرىز» مەرەكەلىك شاراسى ءوتىپ جاتىر. وعان استانا قالاسىنىڭ كوممۋنالدىق شارۋاشىلىق باسقارماسى، «استانا سۋ ارناسى» جانە وزگە دە قالالىق كاسىپورىندار قاتىسۋدا.
ۇلتتىق كيىم كيگەن ارتىستەر كەلۋشىلەرگە ناۋرىز كوجە مەن باۋىرساق تاراتۋدا. مۇنىمەن قوسا، كورەرمەندەر نازارىنا ءتۇرلى قويىلىمدار، ءان مەن بي ۇسىنىلۋدا. حالىقتىق سەرۋەن 21-22- ناۋرىز كۇندەرى وتەدى.
ەستەرىڭىزگە سال كەتسەك، «سارى ارقا» ۆەلوكەشەنىندە وتكەن گالا-كونسەرتى بارىسىندا قازاقستان پرەزيدەنتى نۇرسۇلتان نازاربايەۆ بارشا قازاقستاندىقتاردى ءاز-ناۋرىز مەرەكەسىمەن قۇتتىقتادى.
«بارشاڭىزدى ۇلىستىڭ ۇلى كۇنى ءاز-ناۋرىز مەرەكەسىمەن شىن جۇرەگىممەن قۇتتىقتايمىن! بۇگىن قازاقستاننىڭ ءار وڭىرىندە وسى مەرەكەنى تويلاپ جاتقان حالقىمىز بار.
بۇل - بابالارىمىزدىڭ باعزى زاماننان بەرى تويلاپ، بىزگە قالدىرعان اماناتى، بەرەكە-بىرلىكتىڭ، ىزگىلىكتىڭ جولى بولسىن دەگەن تىلەۋى، جاقسىلىق پەن كەلىسىمنىڭ جاڭا كۇننىڭ سيمۆولى.
وسى كەزدەن باستاپ، كۇن ۇزارىپ، ءتۇن قىسقارىپ، جارىق ساۋلەسى جەرگە ءتۇسىپ، كوكتەمنىڭ باسى بولىپ سانالادى. ناۋرىزدا حالقىمىز جينالىپ، بۇلاقتاردىڭ كوزىن اشىپ، جاسىل-جەلەك وتىرعىزىپ، بولاشاققا كوز تىگەتىن بولعان.
ناۋرىز كوجە جاساپ، اعايىن-تۋىس، كورشى ءبىر-بىرىمەن قاتىناسىپ، ءدام تاتىپ، بولعاندى ەستەرىنە ءتۇسىرىپ، رەنجىگەندەر ءبىر-بىرىنەن كەشىرىم سۇراپ، كورىسىپ، قاۋىشىپ، ءبىر- بىرىنە سۇيىسپەنشىلىگىن كورسەتەتىن بولعان. رۋحاني تىلەۋدىڭ اقجارما مەيرامى بولىپ سانالاتىن.
بۇل عاجايىپ شاقتا اسپاننان التىن كۇننەن نۇر توگىلىپ، جەرگە التىن ءدان سەبىلەتىنىن بىلەسىزدەر. ەل-جۇرتتىڭ كوڭىلىندە جاڭا ءۇمىت پايدا بولىپ، ەرتەڭگى كۇنگە سەنىم نىعايادى. سول سەبەپتەن حالقىمىز ناۋرىزدى «ۇلىستىڭ ۇلى كۇنى» دەپ اتاعان»، - دەگەن ەدى ق ر پرەزيدەنتى.
اۆتور: مارلان جيەمباي
