ا ق ش ەلشىسى قازاقستاندىقتاردى ناۋرىز مەرەكەسىمەن ايرىقشا قۇتتىقتادى

استانا. قازاقپارات - ا ق ش ەلشىسى ناۋرىز كوجە تۋرالى اڭىزبەن تانىستى. الماتىداعى ا ق ش كونسۋلدىعى فەيسبۋكتاعى پاراقشاسىندا ناۋرىز مەرەكەسىنە قاتىستى ەرەكشە قۇتتىقتاۋدى جاريا ەتتى.

روليكتە ۇلتتىق شاپان كيگەن قازاقستانداعى ا ق ش ەلشىسى دجوردج كرول ناۋرىز كوجەدەن ءدام تاتىپ وتىرىپ داستارحان باسىنداعىلاردان «ناۋرىز كوجە ءىشۋ نەگە داستۇرگە اينالعان، كىم بىلەدى؟» دەپ سۇرايدى.

سۇراققا جاۋاپتى كىشكەنە قىز بالا بەرەدى. ول مەن ناۋرىز كوجە تۋرالى اڭىزدى بىلەمىن، ايتىپ بەرەيىن دەپ جاۋاپ قاتادى. اڭىزدى تىڭداپ بولعان ا ق ش ەلشىسى: « ۇلىستىڭ ۇلى كۇن قۇتتى بولسىن!»، دەپ كوپشىلىكتى قۇتتىقتايدى.

اۆتور: جانىبەك امانگەلدى