كيەلى وتىرار جەرىندە دە ناۋرىز مەرەكەسىنە وراي ۇلان اسىر توي بولىپ ءوتتى - فوتو
ايتۋلى جيىنعا ەلىمىزدىڭ تۇكپىر-تۇكپىرىنەن ارنايى قوناقتار كەلىپ، سالتانات ءسانىن كىرگىزدى.
قازاقى ءداستۇر مەن ۇلتتىق سالت ساقتالعان شارادا تۇرعىندار مارە-سارە كۇيگە بولەندى، دەپ حابارلايدى قازاقپارات ح ا ا ءتىلشىسى.
شىعىس ەلدەرىنىڭ بۇكىل حالىقتىق مەيرامى سانالاتىن ناۋرىز مەكەرەسىنە وراي ۇيىماستىرىلعان شارا اۋدان ورتالىعىندا ءوتتى.
بۇل كۇنى جەرگىلىكتى حالىق ورتالىق الاڭعا جينالىپ، قازاقى ءداستۇر مەن ۇلتتىق قۇندىلىقتىڭ زور ۇلگىسىن دارىپتەدى.
اجەلەر ناۋرىز كوجەسىن ۇسىنىپ، جاستار جاعى ءان مەن جىردان مارجان توكتى. كۇننىڭ كوزى دە كۇلىمدەپ، وتىرارلىقتارعا جىلى شۋاعىن سىيلادى. ناۋرىزعا جينالعان كوپشىلىككە بۇل كۇن ەرەكشە اسەر قالدىردى.
وتىراردىڭ تاريح تەزىنە شىداپ بەرگەن شاھارىندا قولونەر بۇيىمداردىڭ كورمەسى ۇيىمداستىرىلدى. سالت-داستۇردەن ساحنالىق كورىنىستەر قويىلىپ، مەرەكەلىك كونسەرت ۇسىنىلدى. سونداي-اق اسىق اتۋ، كوكپار تارتۋ، قوشقار كوتەرۋ سياقتى ۇلتتىق ويىندار ويناتىلدى.
بۇل كۇنى جىل ۇزدىكتەرى انىقتالىپ، ارنايى ماراپاتقا قول جەتكىزدى. وسىلايشا، قىستان قىسىلماي شىققان وتىرارلىقتار ۇلىستىڭ ۇلى كۇنىن ەرەكشە تويلادى.
اۆتور: اينۇر اقبايەۆا
