قىتايدا دينوزاۆر جۇمىرتقالارىن ۇرلاعان كۇدىكتىلەر ۇستالدى
پروكۋراتۋرانىڭ حابارلاۋىنشا، ۆان ەسىمدى كۇدىكتىنىڭ ءبىرى چجەتسزيان پروۆينتسياسىنداعى وسىنداي جادىگەرلەردى ساتىپ الۋعا نيەت تانىتقان كوللەكتسيونەرلەردىڭ بىرىنە كەلگەن.
ەسكە سالا كەتسەك، 9- قاڭتاردا ۆان ەسىمدى كۇدىكتى ءۇش سەرىگىمەن شاڭحاي قالاسىندا دينوزاۆردىڭ جۇمىرتقالارىن قولدى ەتكەن.
شينحۋا اگەنتتىگىنىڭ حابارلاۋىنشا، ۇرىلار جۇمىرتقالاردى ءوزارا ءبولىسىپ العان. ۆان حەيلۋنتسزيان پروۆينتسياسىنداعى ۇيىندە 27 جۇمىرتقانى ساقتاپ كەلگەن، ونى پوليتسيا تەكسەرۋ كەزىندە تاپتى.
ال قالعان ەلۋدەن استام جۇمىرتقانىڭ ازىرگە قايدا ەكەنى انىقتالمادى. قىتاي مەن موڭعوليا - پالەونتولوگيالىق تاسقا اينالعان دەنەلەر كوپ ساقتالعان ەلدەر قاتارىنا جاتادى. الايدا وسىنداي قازبا جۇمىستارى كونترابانداشىلاردى دا قىزىقتىرادى. ولار ۇرلاعان دينوزاۆر قاڭقالارىن شەت ەلدەردەگى كوللەكتسيا جيناۋشىلارعا زاڭسىز ساتادى.
