ۇندىلىك فەرمەر قارىزىنىڭ وتەمىنە جولاۋشىلار پويىزىن الدى

استانا. قازاقپارات - ءۇندىستاننىڭ پەندجاب شتاتىنىڭ سوتى جەرگىلىكتى فەرمەرگە تەمىرجول اكىمدىگىنە بەرگەن قارىزىنىڭ وتەماقىسى رەتىندە جولاۋشىلار پويىزىن بەرۋگە ۇكىم شىعاردى.

NDTV تەلارناسىنىڭ حابارلاۋىنشا، سوت شاعىمدانۋشىعا قارىزدىڭ وتەمى ءۇشىن 20 ۆاگونى بار جولاۋشىلار پويىزىن بەرۋگە قاۋلى ەتكەن.

 فەرمەر سامپۋران سينگحتان شتاتتىڭ تەمىر جول اكىمشىلىگى وسىدان بىرنەشە جىل بۇرىن تەمىر جول تارماقتارىن سالۋ ءۇشىن جەر العان. ءبىراق وسى جەر تەلىمى ءۇشىن بەرۋگە ءتيىس 1 ميلليون رۋپييدى ( $15,3 مىڭ شاماسىندا) تولەمەگەن.

 2015 -جىلى سينگح وسى ماسەلەگە وراي قارالعان ىستە جەڭىپ شىعادى، ءبىراق اكىمشىلىك قارجى جوق دەگەن جەلەۋمەن بەرمەگەن. فەرمەردىڭ ادۆوكاتى اعىمداعى جىلدىڭ قاڭتارىندا سوتقا قايتا ارىزدانعان. سۋديا فەرمەردىڭ پايداسىنا تەمىرجول مۇلكى - پويىزدى تاركىلەۋگە قاۋلى ەتتى.

 وتكەن جۇما كۇنى كەشكە سينح ءوز ادۆوكاتىمەن جانە سوت پريتاۆتارىمەن بىرگە لۋدحيانا ۆوكزالىنا كەلىپ، جۇردەك پويىزدى كۇتەدى. ول كەلگەن ساتتە ماشينيسىنە قۇرامدى تاركىلەۋ تۋرالى سوتتىڭ قاۋلىسىن تاپسىرادى. دەگەنمەن سينح وعان مارشرۋتىن توقتاتپاي جولاۋشىلاردى بارار جەرىنە جەتكىزۋىنە كەلىسىمىن بەرەدى.

 دەگەنمەن تەمىر جول اكىمشىلىگى پويىزدى قارىزدى تاپقانشا، ەكى كۇن بويى جولاۋشىلار تاسىمالداۋعا رۇقسات الا الدى. ەگەر اقشا تابىلماعان جاعدايدا پويىز جانە ونىڭ 20 ۆاگونى اۋكسيونعا قويىلۋى مۇمكىن.

اۆتور: ەرلان قوجاكەلديەۆ