استاناداعى «حان شاتىردا» ناۋرىز مەيرامى ءۇش كۇن تويلانادى

استانا. قازاقپارات - استاناداعى «حان شاتىر» ساۋدا- ويىن- ساۋىق ورتالىعىندا ناۋرىز مەرەكەسى 20, 21 جانە 22 ناۋرىز كۇندەرى اتالىپ وتىلەدى، دەپ حابارلايدى استانا اكىمدىگىنىڭ سايتى.

 اتريۋمدا ۇلكەن ساحنا ورناتىلىپ، كيىز ءۇي تىگىلگەن. كەلۋشىلەر ءۇشىن قولونەر جارمەڭكەسى ۇيىمداستىرىلادى.

20 - ناۋرىزدا ساعات 16.00 مەرەكەلىك كونسەرت وتكىزىلىپ، كورەرمەندەر ءتۇرلى ويىندارعا قاتىسا الادى، ەلوردالىق بي توپتارىنىڭ ونەرىن تاماشالايدى.

سونىمەن قاتار، 21 - ناۋرىزدا ساعات 12.00-دە ۇلتتىق كيىم كيگەن قىزدار كەلۋشىلەرگە باۋىرساق ۇسىنادى.

قايسارلىقتىڭ، ەركىندىكتىڭ بەلگىسى قىران بۇركىت مەرەكەنىڭ ءسانىن كەلتىرمەك. كورەرمەندەر اراسىندا ءتۇرلى جارىستار وتكىزىلىپ، سىيلىقتار تابىستالادى. كوپشىلىك نازارىنا اكروباتتار شوۋى، «شاشۋ» ءبيى ۇسىنىلادى. شارا سوڭىندا مىقتى جىگىتتەر «قازاق كۇرەسىندە» شەبەرلىك بايقاسادى.

22 - ناۋرىزدا ساعات 16.00 ەلوردالىق توپتاردىڭ قاتىسۋىمەن كونسەرت وتەدى.