استانادا جاڭا ساۋدا، ويىن- ساۋىق ورتالىعى اشىلدى

استانا. قازاقپارات - ەلوردادا MEGA Silk Way ساۋدا، ويىن- ساۋىق ورتالىعىنىڭ اشىلۋىنا وراي جۇمىس كەستەسى ۋاقىتشا وزگەرەدى.

 «22 - ناۋرىزدا ورتالىق ساعات 21:00-گە دەيىن جۇمىس ىستەيتىن بولادى. قازىرگى كەزدە ورتالىق اكىمشىلىگى 23 - ناۋرىزدا ساعات 18:00-دە وتەتىن سالتاناتتى اشىلۋعا دايىندىق ۇستىندە. شارا بارىسىندا ەلوردا تۇرعىندارى مەن قوناقتارىنىڭ نازارىنا ارتيستەردىڭ، اكروباتتاردىڭ، كاسكادەرلاردىڭ قاتىسۋىمەن مەرەكەلىك باعدارلاما ۇسىنىلادى»، - دەپ حابارلايدى قالا اكىمدىگىنىڭ سايتى.

ۇلى جىبەك جولىنىڭ ساۋدا «كوشەلەرىمەن» يمپروۆيزاتسيالانعان تەاترلاندىرىلعان شەرۋ ءجۇرىپ وتەدى، HASSAK ەتنو- فولكلورلىق انسامبل ءوز ونەرىن ورتاعا سالادى. سونىمەن قاتار، قولونەرشىلەر مەن سۋرەتشىلەردىڭ شىعارماشىلىق الاڭى اشىلادى، MEGA Silk Way ورتالىعىنا كەلۋشىلەر شەبەرلىك سىنىپتارىنا قاتىسا الادى.

ەسكە سالايىق، 6 - ناۋرىزدا MEGA Silk Way س و س و تەحنيكالىق اشىلۋى وتكەن بولاتىن.