تۇرمەدە ناۋرىز مەرەكەسى اتالىپ ءوتتى
مەرەكەلىك شارانىڭ كوركىن قىزىلوردا وبلىستىق فيلارمونيا ارتىستەرى قىزدىرا تۇسسە، «ارىلۋ» قوعامدىق ۇيىمى مەن وبلىستىق دەنە شىنىقتىرۋ جانە سپورت باسقارماسى ماماندارى سپورتتىق شارالاردىڭ ويداعىداي وتۋىنە ۇيىتقى بولدى. سونىمەن قاتار شارادا «اشىق ەسىك كۇنى» وتكىزىلىپ، جازاسىن وتەۋشىلەردىڭ اتا- انالارى شاقىرتىلدى. ولار دا مەيرامنىڭ ءماندى وتۋىنە اتسالىسىپ، باۋىرساق ءپىسىرۋ، ناۋرىز كوجە دايىنداۋ سايىسىنا قاتىستى. جازا مەرزىمىن وتەۋشى ازاماتتاردىڭ بالالارى مەرەكەگە وراي جىر شۋماقتارىن ارنادى. سوتتالعان ازاماتتار بولسا، قازاقشا كۇرەس، فۋتبول، ۆولەيبول، گىر تاسىن كوتەرۋ، ارقان تارتىس، اسىق اتۋ جارىستارىنان سىنعا ءتۇستى. اتا- انالار ۇيىمداستىرۋشى مەكەمەنىڭ سوتتالعاندار اراسىندا تاربيە جۇمىستارىن ۇيىمداستىرۋ بولىمىنە ءوز ريزاشىلىقتارىن ءبىلدىردى.
اۆتور: ەلۋباي اۋەزوۆ
