گولوۆكين كەزەكتى ايقاسىن استانادا ەمەس، لوندوندا وتكىزۋى مۇمكىن

استانا. قازاقپارات - قازاقستاندىق بوكسشى گەننادي گولوۆكيننىڭ (37-0, 33 ك و) پروموۋتەرى توم لەففلەر بريتاندىق بيللي دجو سوندەرسپەن (24-0, 12 ك و) بولۋى ىقتيمال جەكپە- جەك استانادان وزگە قاي قالالاردا بولۋى مۇمكىن ەكەنىن ايتىپ بەردى، دەپ حابارلادى Sports.kz Daily Mail-گە سىلتەمە جاساپ.

 - ەگەر قازاقستاندا جەكپە- جەك وتكىزە الماساق، لوندوندى تاڭداۋىمىز مۇمكىن. ەستەرىڭىزدە بولسا، О2 ارەناسىندا وتكەن گولوۆكين مەن كەلل برۋك ايقاسىنىڭ بارلىق بيلەتىن 11 مينۋتتا ساتىپ جىبەرگەنبىز»، - دەپ اتاپ ءوتتى لەففلەر.

 بۇعان دەيىن كەيبىر اقپارات كوزدەرى گولوۆكين - سوندەرس كەزدەسۋى ماۋسىم ايىندا استانادا، EXPO حالىقارالىق كورمەسى اياسىندا ءوتۋى مۇمكىن ەكەنىن حابارلاعان ەدى.