سالىق تولەمەي جۇرگەن قازاقستاندىق جۇلدىزدار انىقتالدى

استانا. قازاقپارات - بۇركىت، بەيبىت قورعان جانە «سۇڭقار» توبىنىڭ مۇشەسى تاستان اسىلبەك الماتى قالاسى بويىنشا مەملەكەتتىك كىرىستەر دەپارتامەنتى جاريالاعان بورىشكەرلەردىڭ تىزىمىندە ءجۇر دەپ حابارلايدى Sputnik قازاقستان.

 

تىزىمگە جالپى سوماسى 7 ميلليارد تەڭگەگە كولىك، جەر جانە مۇلىك سالىعى بويىنشا قارىزى بار 250265 جەكە تۇلعا ەنگىزىلگەن.

«بورىشكەرلەردىڭ قاتارىندا وتاندىق ەسترادا جۇلدىزدارى بار. ماسەلەن، ءانشى بەيبىت قورعاننىڭ كولىك سالىعى بويىنشا قارىزى - 178614 تەڭگە، ءانشى بۇركىتتىڭ كولىك سالىعى بويىنشا بورىشى -151279 تەڭگە، «سۇڭقار» توبىنىڭ ءانشىسى اسىلبەك تاستاننىڭ كولىك سالىعى بويىنشا قارىزى - 17960 تەڭگە»، - دەپ اتاپ ءوتتى دەپارتامەنتتەگىلەر.

بارلىق سالىق تولەۋشىلەرگە ەسكەرتۋ جىبەرىلدى، بۇعان قوسا الەۋمەتتىك جەلىلەر ارقىلى دا بورىشكەرلەر قۇلاعدار ەتىلەدى. مەملەكەتتىك كىرىستەر دەپارتامەنتى جەكە مەنشىك سالىعىن تولەۋ مەرزىمى 31- قازاندا، ال كولىك سالىعىنىڭ مەرزىمى 31- جەلتوقساندا ءوتىپ كەتكەنىن ەسكە سالادى.