گەننادي گولوۆكيننىڭ كەلەسى جەكپە-جەگى استانادا وتەدى

استانا. قازاقپارات - قازاقستاندىق بوكسشى گەننادي گولوۆكين كەلەسى جەكپە-جەگىن «استانا- ارەنا» ستاديونىندا وتكىزەدى، دەپ حابارلايدى قازاقپارات ءتىلشىسى.

«17-ماۋسىم كۇنى «استانا-ارەنا» ستاديونىندا گەننادي گولوۆكين كاسىپقوي بوكستاعى 38-جەكپە-جەگى وتكىزەتىن بولادى. قازىر كەلىسسوزدەر جۇرگىزىلىپ جاتىر. بۇل - 80 پايىزعا راستالعان اقپارات. قازاقستان كاسىپقوي بوكس فەدەراتسياسىنىڭ پرەزيدەنتى ەرلان بەكحوجين مەن WBC پرەزيدەنتى ماۋريسيو سۋلەيمان اراسىندا وسىنداي كەلىسسوز بولعان. ەكسپو اياسىندا وتەتىن تاماشا جەكپە-جەكتى ايتا كەتەيىك. سونداي-اق، 9-قىركۇيەكتە قازاقتىڭ قايسار بوكسشىسى قانات يسلام دا جەكپە-جەك وتكىزەدى»، - دەدى «قازاقستان» تەلەارناسىنىڭ سپورت شولۋشىسى.

تاعى ءبىر ايتا كەتكەننىڭ ارتىقتىعى بولماس، بۇگىنگى جەكپە-جەكتە ورتا سالماقتا WBA (Super)، IBO، WBC جانە IBF نۇسقالارى بويىنشا الەم چەمپيونى گەننادي گولوۆكين (36-0، 33 ك و) كەزەكتى جەڭىسىنە قول جەتكىزىپ، بارلىق بەلبەۋلەرىن قورعاپ قالدى.

الايدا ۇزدىكسىز نوكاۋتتار سەرياسى وسىمەن اياقتالدى. ال دەنيەل دجەيكوبس (32-1، 29 ك و) ءوزىنىڭ سپورتتىق مانسابىندا ەكىنشى رەت جەڭىلىس تاپتى. جەكپە-جەكتەن كەيىن گەننادي گولوۆكين وسى جولعى ايقاستى 12- راۋندقا دەيىن جەتكىزۋدى كوزدەمەگەنىن جەتكىزدى.

اۆتور: ارمان اسقاروۆ