قازاقستاندا اۆيا تاسىمالداۋشىلاردىڭ تابىسى ارتتى

استانا. قازاقپارات - 2017 -جىلعى قاڭتار- اقپاندا اۆياتاسىمالداۋشىلار تابىسى وتكەن جىلعى وسى كەزەڭمەن سالىستىرعاندا 19 پايىزعا ارتتى، دەپ حابارلادى finprom.kz.

  اۆياكومپانيالار تابىسىنىڭ ارتۋى - جولاۋشىلار تاسىمالى. 2016 -جىلعى قاڭتار- اقپانداعى سومامەن سالىستىرعاندا، اعىمداعى جىلى جولاۋشىلار تاسىمالىنان تۇسكەن تابىس 5 ميلليارد تەڭگەگە ۇلعايىپ، 33 ميللياردقا جەتتى.

 ءبىر جىلدا كارگو- تاسىمالداۋدان ءتۇسىم بارىنشا از، 3 پايىزعا نەمەسە 24 ميلليون تەڭگەگە ارتتى.

 2017 -جىلى قازاقستاندىقتار مەن ق ر رەزيدەنتى بولىپ تابىلمايتىندار 2015-2016 -جىلدارمەن سالىستىرعاندا اۋە كولىگىن بارىنشا بەلسەندى پايدالانا باستادى. اعىمداعى جىلعى 2 ايدا اۆياتاسىمالداۋشىلار 911 مىڭعا جۋىق ادامدى تاسىمالدادى. بۇل 98 مىڭعا نەمەسە ءبىر جىل بۇرىنعى دەڭگەيدەن 12 پايىزعا كوپ.

اۋە تاسىمالى سەكتورىندا بەلسەندىلىكتىڭ ەلەۋلى ۇلعايۋى قازاقستانداعى ازاماتتىق اۆياتسيانى دامىتۋدىڭ مەملەكەتتىك ماقساتتارىنا سايكەس كەلەدى.