الەمدەگى ەڭ ۇلكەن قولتىراۋىننىڭ سالماعى قانشا؟

استانا. قازاقپارات - دينوزاۆرلاردىڭ كەلبەتىن كوز الدىڭىزعا الىپ كەلەتىن قولتىراۋىنداردىڭ دا سانى كۇن وتكەن سايىن ازايىپ كەلەدى.

ولاردى بروكونەرلىك جولمەن اۋلاپ، تەرىسىن ساتۋعا قۇمارتىپ تۇرعانداردىڭ سانى دا جەتەرلىك. قانشا سۇستى بولعانىمەن بۇل جانۋاردىڭ دا وزىندىك ءبىر تارتىمدىلىعى بار.

ونى كورگەن ادام بىردەن تاڭعالا قاراپ ءوزىنىڭ نە قورقىپ، نە قۋانىپ تۇرعانىن سەزبەي قالادى.

ءاربىر دۇنيەنىڭ ەڭ ۇلكەن جانە ەڭ كىشكەنتاي تۇسى بولعاندىقتان، بۇگىن ءبىز سىزدەرگە الىپ قولتىراۋىن تۋرالى اڭگىمەلەيتىن بولامىز.

2011-جىلى اۋستراليا وڭىرىنەن ۇستالعان سۋ جىرتقىشى بۇگىنگى تاڭدا ەڭ ۇلكەن قولتىراۋىن ەسەبىندە تىركەلگەن. وعان اتاقتى مۇحاممەد ءاليدىڭ قۇرمەتىنە كاسسيۋس كلەي دەگەن لاقاپ ات بەرىلگەن.

سالماعى 998 كەلى، ۇزىندىعى 5.48 مەتر بولاتىن جانۋاردىڭ جاسى شامامەن جۇزگە تاياپ قالعان. كاسسيۋس ەڭ ۇلكەن قولتىراۋىن ءتاجىن لولونگا ەسىمدى تۇقىمداسى ولگەننەن كەيىن العان.

ونىڭ ۇزىندىعى 6,17 مەتر بولسا، سالماعى ءبىر توننادان اسىپ جىعىلعان. قولتىراۋىن زەرتتەۋشى مامانداردىڭ سوزىنە سۇيەنسەك، جالپى وسى تۇقىمداعى جانۋارلاردىڭ ەڭ ۇلكەنى وسىدان 110 ميلليون جىل بۇرىن ءومىر سۇرگەن.

وعان Sarcosuchus imperator دەپ ات قويعان. سول ۋاقىتتا 50-60 جىل ءومىر سۇرگەن جىرتقىشتاردىڭ ۇزىندىعى 11-12 مەترگە، ال سالماعى 8 تونناعا دەيىن جەتكەن ەكەن.

massaget.kz