قانات يسلام ماعان استانادا جەكپە- جەك وتكىزۋدى ۇسىندى - شۇمەنوۆ
«تاياۋدا جاقىن دوسىم قانات يسلاممەن حابارلاستىم. ول استاناداعى شوۋ اياسىندا كەزدەسۋ وتكىزبەكشى ەكەن، ول ماعان دا ۇسىندى. مەن وتانىمدا جۇدىرىقتاسۋ مۇمكىندىگى بولسا، حالقىمنىڭ الدىندا باقىتتى بولار ەدىم دەپ جاۋاپ بەردىم. ارينە، قالايمىن»، - دەدى شۇمەنوۆ. كەيىن بوكسشى بۇل تۋرالى Instagram جەلىسىندەگى پاراقشاسىندا جازدى. "ەكسپو-2017" كورمەسى اياسىندا استانادا وتەتىن بوكس كەشىنە شاقىرتۋدى قۋانا قابىلدايمىن. الەمنىڭ ءار جەرىندە جەكپە- جەك وتكىزىپ جۇرگەن ەلىمىزدىڭ بوكسشىلارى جينالىپ، استانادا ونەر كورسەتسەك بۇل جانكۇيەرلەر ءۇشىن ۇمىتىلماس ەستەلىك بولارىنا سەنەمىن.
تەك قازاقستاندىق جانكۇيەرلەر ءۇشىن ەمەس، الەمدەگى كاسىپقوي بوكسقا قىزىعاتىندار ءۇشىن بۇل وتە قىزىق. سەبەبى قازاق بوكسشىلارىنىڭ جۇدىرىقتاسۋ ءستيلىن شەتەلدىكتەر جاقسى كورەدى، جوعارى باعالايدى. قازاقستاندىق جانكۇيەرلەر الدىندا جەكپە- جەك وتكىزبەگەنىمە 6 جىلداي بولىپتى. ەلدىڭ قيقۋىن، قولداۋىن ساعىندىم. تاۋدا جۇگىرىپ، بۇلاق سۋىن ءىشىپ، قازى- قارتامەن قۋاتتاناتىن كۇن دە الىس ەمەس سياقتى. 9 - قىركۇيەكتە الەم نازارى استانادا بولادى!»، - دەپ جازدى شۇمەنوۆ.
ەسكە سالايىق، وسىعان دەيىن ق ر مادەنيەت جانە سپورت ءمينيسترى ارىستانبەك مۇحامەدي ۇلى قانات يسلامنىڭ استاناداعى جەكپە-جەگى جايلى ايتقان ەدى. «ءبىز ونىمەن وسىعان دەيىن 9 قىركۇيەكتە كەلىسكەن بولاتىنبىز. استانادا جەكپە- جەك وتكىزۋ تۋرالى. (...) بوكس كەشىن ۇيىمداستىرعان پروموۋتەرلىك كومپانيا مۇمكىن دەگەن ۇمىتكەرلەرمەن كەلىسسوزدەر جۇرگىزدى. ءبىز 9 - قىركۇيەكتە استانادا قانات يسلامنىڭ جەكپە- جەگىن وتكىزگىمىز كەلەدى»، - دەگەن ەدى مينيستر. سونداي-اق، ارىستانبەك مۇحامەدي ۇلى بوكس كەشىنە جانقوش تۇراروۆ پەن جانات جاقيانوۆتىڭ قاتىسۋى مۇمكىن ەكەنىن ايتتى.
