الماتىدا قار كوشكىنى بولدى

الماتى. قازاقپارات - الماتىدا شىمبۇلاقتىڭ جوعارعى جاعىنداعى تاۋ شاتقالدارىندا قار كوشتى، دەپ حابارلايدى قازاقپارات ءتىلشىسى.

الماتى قالالىق توتەنشە جاعدايلار دەپارتامەنتى 18- ناۋرىز كۇنى 22№، 5№ قار كوشەتىن تاۋ بوكتەرىندە ساعات 10 شاماسىندا قار كوشكىنى بولعانىن حابارلادى.

تابيعي قۇبىلىستى باقىلاعان ق ر ءى ءى م ت ج ك «قاز سەلدەن قورعاۋ» م م قىزمەتكەرلەرى كوشكەن قار كىشى الماتى وزەنىنە جەتپەي ىلە الاتاۋىنىڭ بوكتەرىندە توقتاعانىن ايتتى.

«كوشكەن قاردىڭ اۋقىمى 400 تەكشە مەتر. جاپا شەككەندەر مەن قازا تاپقاندار جوق»، - دەدى قالالىق ت ج د- نىڭ رەسمي وكىلى ساندۋعاش بايمۇحامبەتوۆا.

ايتا كەتەيىك، بۇعان دەيىن ت ج د 18-19- ناۋرىز ارالىعىندا الماتى وبلىسىنداعى تاۋ بوكتەرىنە قالىڭ قار تۇسكەنىن، سوندىقتان قار كوشكىنى ءجۇرۋى مۇمكىن ەكەنىن ەسكەرتكەن. وسى ۋاقىت ارالىعىندا قارلى تاۋ شاتقالدارىنا بارماۋعا كەڭەس بەرىلدى.

اۆتور: الماس مۇقاش ۇلى