09:16, 18 - ناۋرىز 2017 | GMT +5
مەرزىمىنەن بۇرىن پارلامەنت سايلاۋى وتپەيدى - مەملەكەت باسشىسى
استانا. قازاقپارات - قازاقستاندا مەرزىمىنەن بۇرىن پارلامەنت سايلاۋى وتپەيدى. بۇل تۋرالى وتاندىق تەلەارنالاردان كورسەتىلگەن رەسپۋبليكالىق ب ا ق وكىلدەرىنە سۇحباتى بارىسىندا ق ر پرەزيدەنتى نۇرسۇلتان نازاربايەۆ ايتتى، دەپ حابارلايدى قازاقپارات.
«مىناداي جاقسى ءبىر ءسوز بار: جاڭا سايلاۋدان سوڭ جانە ۇيلەنگەننەن كەيىن ءار ۋاقىتتا قالاعانىڭا قول جەتكىزە بەرمەيسىڭ. سوندىقتان، ادامدار نەلىكتەن جاڭا سايلاۋعا سونشالىقتى قۇمار؟ پارلامەنت 2021-جىلعا دەيىن سايلانعان. ول ءوز مەرزىمىندە تولىقتاي جۇمىس ىستەيتىن بولادى. بۇل سوڭعى باپتا جازىلعان»، - دەدى ق ر پرەزيدەنتى مەرزىمىنەن بۇرىن پارلامەنت سايلاۋى ءوتۋى مۇمكىن بە دەگەن ساۋالعا وراي.
اۆتور: مارلان جيەمباي
