08:22, 18 - ناۋرىز 2017 | GMT +5
جۇردەك پويىز پەرروندا تۇرعان جولاۋشىلاردى قارعا كومىپ تاستادى - ۆيدەو
استانا. قازاقپارات - جەلىدە تەمىرجرول ستانتسياسىنا اسىعىپ جەتكەن پويىزدىڭ پەرروندا تۇرعان ادامداردى قارعا كومىپ تاستاعانى بەينەلەنگەن ۆيدەو كوپتەپ قارالۋدا.
وقيعا نيۋ-يورك شتاتىنىڭ راينكليفف قالاسىندا ورىن العان.
بەلگىلى بولعانداي، وقيعادان ءبىر كۇن بۇرىن قالانى قالىڭ قار باسقان. سوندىقتان، تەمىرجولشىلار پويىز رەلسىن تازالاپ ۇلگەرمەگەن.
YouTube جەلىسىندە جاريالانعان ۆيدەوروليكتى ءبىر تاۋلىك ىشىندە 650 مىڭعا جۋىق پايدالانۋشى قاراپ، ءتۇرلى پىكىرلەر قالدىرعان.
پويىزدىڭ قاتتى ەكپىنىنەن قار جان-جاققا ۇشىپ، جولاۋشىلاردى باسىپ قالعان. ەرەكشە اتاپ وتەتىن جايت - پەرروندا تۇرعان جولاۋشىلار پويىز ستانسياعا كەلىپ توقتاعان سوڭعى ساتىنە دەيىن ۆيدەوعا ءتۇسىرۋ ءۇشىن ەشقايدا قاشىپ تىعىلمايدى.
