07:38, 18 - ناۋرىز 2017 | GMT +5
ق ر پرەزيدەنتى: ءبىر رەت ساتقىندىق جاساعاندارعا قايتىپ سەنبەيمىن
استانا. قازاقپارات - بۇگىن وتاندىق تەلەارنالاردان كورسەتىلگەن رەسپۋبليكالىق ب ا ق وكىلدەرىنە سۇحباتى بارىسىندا ق ر پرەزيدەنتى نۇرسۇلتان نازاربايەۆ ءبىرقاتار وبلىس اكىمىن اۋىستىرۋ سەبەبىن ايتتى، دەپ حابارلايدى قازاقپارات.
«تاۋەلسىزدىكتىڭ العاشقى جىلدارىندا جاس جىگىتتەردى مينيستر ەتىپ تاعايىندادىم. انا ءابىليازوۆتىڭ ءوزى نەبارى 30 جاسىندا مينيستر بولىپ ەدى. بارلىق ۋاقىتتا وعان جاقسىلىق جاسادىم، ءسۇرىندى. ەكىنشى رەت تە كەشىر، ال ءۇشىنشى رەت قوش ايتىس. مەن وسى پىكىردى ۇستانامىن. جالپى، مەن ءوزىم ءبىر رەت ساتقىندىق جاساعانعا قايتىپ سەنبەيمىن. مەن مۇنى دۇرىس دەپ سانايمىن. مۇمكىن قاتاڭ بولۋى دا مۇمكىن، ءبىراق دۇرىس. ول مىندەتتى تۇردە تاعى دا سولاي جاسايدى»، - دەدى ەلباسى.
ق ر پرەزيدەنتى وسى رەتتە ارنايى مەملەكەتتىك قىزمەت تۋرالى زاڭنىڭ قابىلدانعانىن ەسكە سالىپ ءوتتى.
