21:44, 17 - ناۋرىز 2017 | GMT +5
پاۆلودارلىق «تىڭشىلىق» اۆتوقالامىن پايدالانعانى ءۇشىن ۇستالدى
پاۆلودار. قازاقپارات - پاۆلودارلىق اۋديو جانە ۆيدەوجازبا قىزمەتىن ىسكە اسىراتىن اۆتوقالام ساتىپ العانى، ساقتاعانى ءۇشىن قىلمىستىق جاۋاپكەرشىلىككە تارتىلدى،
دەپ حابارلادى «قازاقپارات» ح ا ا ءتىلشىسى.
پاۆلودارلىق پوليتسەيلەر 35 جاستاعى ەر ادامعا قاتىستى ق ك 399-بابى 1-بولىگى بويىنشا تەرگەۋ جۇرگىزۋدە. پوليتسيا اۋديو، ۆيدەوقۇرىلعى ورناتىلعان اۆتوقالامدى تاركىلەدى. ەر ادامنىڭ ايتۋىنشا، اۆتوقالامدى وعان سىيعا تارتقان. ماماننىڭ قورىتىندىسىنا سايكەس قالام جاسىرىن فوتو- ۆيدەو تۇسىرۋگە ارنالعان. ارنايى تەحنيكالىق قۇرالعا جاتادى. اۆتوقالامنىڭ جادى كارتاسىندا ون ۆيدەوفايل بار. مۇنداي قۇرىلعىنى پاۆلودار وبلىسى ءى ءى د اقپاراتىنا سايكەس بىلدىرمەي اقپارات الۋ، جازىپ الۋ ءۇشىن پايدالانۋى مۇمكىن. مۇنداي قۇرىلعىلاردىڭ اينالىمى ق ر زاڭناماسىندا قاتاڭ رەگلامەنتتەلگەن جانە ليسەنزيالاۋعا جاتادى. تاياۋ ۋاقىتتا قىلمىستىق ءىس سوتقا جىبەرىلەدى.
