ءسابينا التىنبەكوۆا قىتايلىق الەۋمەتتىك جەلىدە جەكە پاراقشاسىن اشتى

استانا. قازاقپارات - قازاقستاندىق ۆولەيبولشى ءسابينا التىنبەكوۆا قىتايدىڭ Sina Weibo (تۋيتتەردىڭ بالاماسى) الەۋمەتتىك جەلىسىندە جەكە پاراقشاسىن اشتى، دەپ حابارلايدى قازاقپارات ءتىلشىسى.

 بۇل تۋرالى سپورتشى ءوزىنىڭ Instagram-داعى پاراقشاسىندا جازدى. ال Instagram-دى قولدانۋعا بولمايتىن قىتايداعى ءسابينانىڭ جانكۇيەرلەرى وزدەرىنىڭ قۋانىشتارىن جاسىرا المادى.

 ايتا كەتەيىك، ءسابينا 2014 -جىلى تايۋاندا وتكەن 19 جاسقا دەيىنگى قىزدار اراسىنداعى ۆولەيبولدان 17- ازيا چەمپيوناتىندا سۇلۋلىعىمەن شىعىس جانە وڭتۇستىك- شىعىس ازيا ەلدەرىندەگى ەڭ تانىمال سپورتشىعا اينالدى. بىرنەشە كۇندە ونىڭ ءجۇز مىڭنان استام جانكۇيەرى پايدا بولدى.

 اۆتور: مۇحتار قاليموللا ۇلى