قازاقستاندىق وندىرۋشىلەر ۇرىمجىدەگى ساۋدا جارمەڭكەسىنە قاتىسادى
«قىتاي نارىعىنا وتاندىق ءونىمدى شىعارۋ اياسىندا ق ر ينۆەستيتسيالار جانە دامۋ مينيسترلىگى
«KAZNEX INVEST» ەكسپورت جانە ينۆەستيتسيا جونىندەگى ۇلتتىق اگەنتتىگى» ا ق ازىق- تۇلىك، حيميا، قۇرىلىس، فارماتسيەۆتيكا جانە باسقا دا سالالارداعى قازاقستاندىق تاۋار وندىرۋشىلەردىڭ ونىمدەرىن «قىتاي- ەۋرازيا (تاۋارلار مەن ساۋدا) » ەكسپو- سىنا باعىتتاۋدى جوسپارلاۋدا.
قازىرگى تاڭدا ۇرىمجىدە الەۋەتتى ساتىپ الۋشىلارمەن، يمپورتتاۋشىلارمەن، ديستريبيۋتورلارمەن جانە قىتايدىڭ ساۋدا جەلىلەرىندەگى وكىلدەرمەن В2В فورماتىندا كەلىسسوزدەر جۇرگىزەتىن 20-دان استام ءوندىرۋشى انىقتالدى»، - دەدى «KAZNEX INVEST» كومپانياسىنىڭ قىتايداعى جانە شىعىس ازياداعى باس وكىلى قۋانىش امانتاي قازاقپاراتقا بەرگەن سۇحباتىندا.
ونىڭ ايتۋىنشا، 3-5 قازاقستاندىق كومپانيالاردىڭ ءوتىنىشى بويىنشا «KAZNEX INVEST» قىتايداعى كەيبىر مامانداندىرىلعان كورمەلەرگە قاتىسۋدىڭ شىعىندارىن جىل سوڭىنا دەيىن تولىقتاي ءوز موينىنا الادى. قازىرگى تاڭدا وتىنىشتەردى قابىلداۋ مەن كورمە ۇيىمداستىرۋشىلارىمەن جۇمىستار جۇرگىزىلۋدە.
ش ۇ ا ءو حالىقتىق ۇكىمەتىنىڭ جەتەكشى پارتيالىق توبىنىڭ مۇشەسى حۋان سانپين حابارلاعانداي، «قىتاي- ەۋرازيا (تاۋارلار مەن ساۋدا) » ەكسپو- سىنىڭ باستى ماقساتى «ءبىر بەلدەۋ، ءبىر جول» ايماعىنداعى ەلدەردىڭ ساۋدا- ەكونوميكالىق ىنتىماقتاستىعىن نىعايتۋ بولىپ تابىلادى. ەسكە سالا كەتەيىك، «قىتاي- ەۋرازيا (تاۋارلار مەن ساۋدا) » ەكسپو- سى ءار ەكى جىل سايىن وتكىزىلەدى. ەڭ العاش رەت 2015 -جىلى ۇيىمداستىرىلعان. وسى كورمەمەن قاتار، 2014 -جىلدان باستاپ ءاربىر جۇپ جىل سايىن «قىتاي- ەۋرازيا» ەكسپو- سى وتكىزىلەدى.
