تەرەزا مەي: قازىر شوتلانديانىڭ تاۋەلسىزدىگى ءۇشىن رەفەرەندۋم وتكىزەتىن كەز ەمەس
مەي بولاشاقتا رەفەرەندۋم وتكىزۋ جايلى ناقتى ايتپادى.
بۇل اپتادا شوتلانديانىڭ ءبىرىنشى ءمينيسترى نيكولا ستەردجەن شوتلاندتىقتاردىڭ كوپشىلىگى «برەكسيتكە» قارسى داۋىس بەرگەندىكتەن جانە ولاردىڭ ەۋرووداقتا قالعىسى كەلەتىندىكتەرىنەن وڭىرلىك پارلامەنتتەن تاۋەلسىزدىك تۋرالى ەكىنشى رەفەرەندۋم وتكىزۋگە رۇقسات سۇرايتىنىن حابارلادى.
الايدا مەي بريتانيا مەن ە و بولاشاق قارىم- قاتىناسى انىقتالماي تۇرىپ، حالىقتا شەشىم قابىلداۋعا قاجەتتى اقپارات بولماي تۇرىپ، داۋىس بەرۋدى جۇرگىزۋ ادىلەتسىزدىك ەكەنىن مالىمدەدى.
شوتلانديا ىستەرى بويىنشا ميينستر دەۆيد ماندەل «تۆيتتەرگە» «برەكسيتتەن» بۇرىن رەفەرەندۋم وتكىزۋدىڭ ادىلەتسىز ەكەنىن جانە وعان ەشكىمنىڭ كەلىسپەيتىنىن جازدى.
مەيدىڭ ايتۋىنشا، ونىڭ نازارى ە و- دان شىعۋ تۋرالى كەلىسسوزدەر كەزىندە بريتانيا ءۇشىن مەيلىنشە ءتيىمدى مامىلەنى ىزدەۋگە باعىتتالىپ وتىر.
«تاۋەلسىزدىك تۋرالى رەفەرەندۋمدى تالقىلاۋ شوتلانديا بويىنشا ۇزدىك كەلىسىمدى جانە بريتانيا ءۇشىن ءتيىمدى كەلىسىمدى بەكىتۋدى قيىنداتا تۇسەدى»، - دەدى ول.
«مەنىڭ ويىم انىق - قازىر رەفەرەندۋمدى ويلايتىن ۋاقىت ەمەس»، - دەپ تولىقتىردى ءوز ءسوزىن.
سونىمەن بىرگە، پرەمەر- مينيستر ەلدىڭ بولىنبەۋىن، كەرىسىنشە بىرىگىپ جۇمىس ىستەۋ كەرەكتىگىن باسا ايتتى.
